Frjáls verslun - 01.09.2006, Blaðsíða 54

54 F R J Á L S V E R S L U N • 9 . T B L . 2 0 0 6
„Eyrir kom að Marel sem hluthafi árið 2004 og við
jukum síðan smám saman hlut okkar í fyrirtækinu
árið á eftir. Í okkar huga var alveg ljóst að tæknilega
væri Marel fremst í sínum geira, þ.e.a.s. í framleiðslu
kerfa fyrir matvælavinnslu. Marel reiðir sig mun meira
á hugbúnaðargerð og tækni en flestir samkeppnisaðilar
þess, hugsanlega vegna þess að rætur annarra fyrirtækja
liggja oft meira í vélrænum iðnaði. Að vera í fremstu
röð hvað varðar tæknilegu hliðina er hins vegar ekki
nóg til að skapa aukinn hagnað og það má segja að tvær
leiðir hafi verið færar.
Annars vegar hefði verið hægt að minnka og sérhæfa
fyrirtækið til að gera það samkeppnishæfara en á
þrengra sviði en áður. Við ákváðum hins vegar að
breikka þjónustu Marels, kalla fram stærðarhagkvæmni
með víðtækari rekstri og skapa þannig aðstæður til
þess að Marel geti í framtíðinni orðið stærst í sinni
atvinnugrein á heimsvísu. Stefnan liggur því fyrir í
megindráttum, en það sem er áframhaldandi verkefni
er að semja framkvæmdaáætlanir um hvernig við getum
komist í þetta forystuhlutverk: á hve mörgum árum,
með hversu mörgum yfirtökum, hversu miklum innri
vexti og svo framvegis.“
Hver er markaðshlutdeild Marels í dag og hvert er
endanlegt markmið ykkar í þeim málum?
„Samkvæmt okkar skilgreiningu á þessum markaði er
markaðshlutdeild okkar nú um átta prósent. Í fyrra var
hún aðeins fjögur prósent en í febrúar á þessu ári settum
Aðaleigendur Eyris;
feðgarnir Þórður
Magnússon og Árni
Oddur Þórðarson.
Á R N I O D D U R Í E Y R I
Heildareignir Eyris eru núna metnar á um 25 milljarða króna.
Heildareignir Eyris - milljónir króna