Frjáls verslun - 01.09.2006, Blaðsíða 45

F R J Á L S V E R S L U N • 9 . T B L . 2 0 0 6 45
náminu og útskrifaðist sem verkfræðingur frá Háskóla
Íslands 1995.
Í Þýskalandi við nám og störf
Á seinni hluta verkfræðinámsins hófu Þórður og kona
hans, Tinna Björk Baldvinsdóttir sálfræðingur, sambúð,
en þau höfðu þá þekkst í nokkur ár. Í dag eiga þau þrjú
börn sem heita Aron Baldvin 11 ára, Darra Sóllilja 3 ára
og Stígur sem er 10 mánaða gamall.
Að loknu námi í verkfræði fór Þórður að vinna sem
tæknimaður í vélsmiðju og starfaði við það á meðan
hann ákvað hvers konar framhaldsnám hann veldi sér.
Ári eftir útskrift úr Háskóla Íslands hélt Þórður til
Karlsruhe í Þýskalandi til framhaldsnáms í iðnaðarverk-
fræði. Með honum í för var Tinna Björk, en þau giftu
sig skömmu áður en þau héldu utan, og Aron Baldvin
sem var á fyrsta ári. Hjónin bjuggu í Karlsruhe og Tinna
sótti nám við háskólann í Heidelberg. Þau leigðu kjall-
araíbúð með afnot af garði hjá afskaplega skemmtilegri
konu sem margt var til lista lagt og þau nutu lífsins, að
sögn Þórðar.
,,Námið tók tvö ár og um það leyti sem ég var að klára
var hringt til mín og mér boðið starf hjá Samskipum í
Bremen sem ég þáði. Í fyrstu var ég settur yfir deild sem
sá um gámastýringu en þegar ég hætti var ég orðinn
framkvæmdastjóri rekstrarsviðs erlendrar starfsemi. Eftir
fjögur ár í Bremen var stór hluti starfseminnar fluttur
til Rotterdam og við fórum með og bjuggum þar í þrjú
ár áður en við fluttum heim. Okkur leið mjög vel í
Þýskalandi, við bjuggum þar samtals í sex ár. Ég kann
afskaplega vel við Þjóðverja. Þeir vilja hafa hlutina í
föstum skorðum og mér þykir þeir leggja minna upp úr
veraldlegum hlutum en Íslendingar.“
Þórður segir ástæðu þess að þau fluttu heim vorið
2005 vera að Tinna Björk átti hægara með að nýta sér
hér á landi þá menntun sem hún hafði aflað sér.
,,Okkur fannst líka kominn tími til að Aron Baldvin
kynntist því hvernig er að búa á Íslandi. Við fundum
Þ Ó R Ð U R B I R G I R B O G A S O N Í N Æ R M Y N D
Ágúst Hilmisson, sjúkraþjálfari og
einn eigenda Gáska, hefur þekkt
Þórð frá tíu ára aldri. Þeir voru
saman í bekk í Seljaskóla og
sátu oft hlið við hlið. ,,Þórður var
með eindæmum frakkur og mikill
grallari. Við vorum mikið saman í
fótbolta og þess á milli reyndum
við að finna upp á nýjum prakk-
arastrikum. Þórður var líka vinur
vina sinna og er það enn. Einu
sinni kom fyrir að ég lenti í alvar-
legum vandræðum í skólanum
og það ætluðu tveir strákar að
ganga í skrokk á mér. Þórður hik-
aði ekki við að rjúka á milli okkar
og æða í strákana til að bjarga
mér. Slagsmálin kostuðu hann
þriggja daga fjarveru úr skóla
vegna meiðsla og í hamagang-
inum nefbraut hann annan strák-
inn. Þórður hefur aldrei miklað
hlutina fyrir sér, hann er með
stáltaugar og veður í hlutina af
krafti.
Ég held mér sé óhætt að
segja að Tinna konan hans hafi
átt frumkvæðið að sambandinu
og blikkað hann fyrst. Þegar
hann svo loksins fattaði hvað
var að gerast varð ekki aftur
snúið og sambandið tekið föstum
tökum.
Þórður hefur aldrei verið mik-
ill dellukarl, hann er alæta í eðli
sínu og hefur mörg áhugamál,
stundar líkamsrækt, hjólar og
spilar fótbolta með félögunum.
Í seinni tíð hefur svo trommað
upp í honum ný hlið sem er áhugi
á því að elda góðan mat. Eins
og með allt annað miklar hann
eldamennskuna ekki fyrir sér og
hefur gaman af því að prófa sig
áfram. Ef ég ætti að lýsa Þórði
í stuttu máli mundi ég segja að
hann væri maður sem veður í
hlutina laus við allt stress. Hann
er mikill húmoristi, stríðinn og
meinhæðinn.“
Tinna Björk átti hægara
með að nýta sér hér á
landi þá menntun sem
hún hafði aflað sér.
Okkur fannst líka kominn
tími til að Aron Baldvin
kynntist því hvernig væri
að búa á Íslandi.
Ágúst Hilmisson.
Hann slasaðist við að bjarga mér