Frjáls verslun - 01.09.2006, Blaðsíða 95

F R J Á L S V E R S L U N • 9 . T B L . 2 0 0 6 95
„Young Frankenstein“ er
uppáhaldskvikmynd Kára
Arngrímssonar, forstjóra
Atafls. Mel Brooks er
leikstjóri myndarinnar.
Kvikmyndin er um 20 ára
gömul og hefur Kári séð
hana þrisvar sinnum.
,,Flestir þekkja sög-
una um Frankenstein
sem hefur verið á
neikvæðu nótunum. Það
er hins vegar meiriháttar
gálgahúmor í myndinni
en þetta er grínútgáfa af
Frankenstein sem er létt
og skemmtileg. Það eru
til dæmis tvíræðir brand-
arar í myndinni. Í mynd-
inni er spenna, grín og
gaman og það er besta
samsetningin.“
Myndin er svarthvít og
við gerð hennar var lögð
áhersla á að hún væri í
stíl þöglu kvikmyndanna
– þó að ekki sé um
þögla kvikmynd að ræða.
,,Leikararnir eru einstakir
svipbrigðaleikarar og er
svipur þeirra og hreyf-
ingar ýktar.“
Kári segist hafa
gaman af hryllings-
myndum; hann tengir
það við adrenalínfíkn og
spennu sem hann sæk-
ist í.
Þegar hann er spurður
hvað Frankenstein sé í
huga hans segir hann:
„Tilraun manna til að
útbúa hinn fullkomna ein-
stakling. Það mistekst
hrapallega í myndinni.
Manneskjan er alltaf að
leita leiða til að betr-
umbæta hlutina.“
Stundum er saga á bak við það
þegar fólk finnur góðar upp-
skriftir. Hér á eftir er saga Halldórs
Jörgenssonar, framkvæmdastjóra
Microsoft á Íslandi.
„Ég var enn eina ferðina að hefja
símafund. Sheida, samstarfskona
mín, var þá spurð frá Hollandi hvort
hún vissi hvar maður fengi góðar,
þurrkaðar sítrónur að persneskum
sið. Ekki að ég gæti svarað því fyrir
hana en ég leitaði á Internetinu í
hverslags uppskrift slíkar sítrónur
væru notaðar. Ég fann fljótlega eina
og var fljótur að spyrja hvort það
ætti að elda „khoreshe ghormeh
sabzi“. Það var raunin, en flestum
þótti merkilegt að Íslendingur kynni
eitthvað fyrir sér í persneskum
réttum.
Alla vega átti að ræða á næsta
símafundi hvernig matseldin hefði
gengið í Hollandi. Í millitíðinni leitaði
ég logandi ljósi að þurrkuðu sítrón-
unum og mehti (fenugreek) krydd-
jurtinni, eldaði réttinn fyrir fjölskyld-
una eitt kvöldið og var svo mættur á
símafund með reynslu af persneskri
matargerð sem kom að sjálfsögðu
öllum á óvart enn eina ferðina.“
Khoreshe ghormeh sabzi
– kryddjurta- og kjötkássa
að persneskum hætti
750 g lamba- eða nautagúllas
1 stk. laukur, saxaður smátt
2 bollar steinselja, söxuð smátt
1 bolli hvítlauksgeirar (tareh); sax-
aðir smátt
½ bolli fenugreek (mehti; shanbeli-
leh); saxað smátt
¾ bolli rauðar nýrnabaunir
2 tsk. salt
½ tsk. svartur pipar
½ tsk. turmeric
3 þurrkaðar sítrónur eða ¼ bolli
ferskur sítrónusafi
matarolía eftir þörfum
1 bolli vatn
1. Steikið kryddjurtirnar (steinselju,
hvítlauk og fenugreek) í um 2 msk.
olíu við meðalháan hita í 10-15 mín-
útur. Kryddjurtirnar ættu að taka
litarbreytingum en ekki verða mjög
dökkar. Leggið til hliðar.
2. Steikið lauk í 2 msk. olíu við
meðalháan hita þar til hann er gullinn
að lit. Bætið kjöti við, hækkið hitann
og haldið steikingunni áfram þar til
mestur vökvinn er farinn.
3. Þegar vökvinn er að mestu far-
inn skal bæta við kryddi (salti, pipar
og turmeric) og steikja í mínútu
eða tvær. Bætið nú við steiktum
kryddjurtum og nýrnabaunum. Hellið
hálfum til einum bolla (magnið fer
eftir atvikum) af vatni út í og láta
suðuna koma upp. Vatnið nái rétt yfir
en ætti að haldast þykkt.
4. Myljið þurrkaðar sítrónur í smátt
eða í duft með kvörn og bætið í káss-
una (eða einfaldlega sítrónusafa ef
erfitt er að finna þurrkuðu sítrónurnar
sem gefa besta bragðið).
5. Setjið lok yfir og látið malla í 1½
til 2 klst. við lágan hita eða með-
alhita. Það má láta malla lengur
eða þar til baunir og kjöt er orðið að
smekk hvers og eins. Fjarlægið lokið
ef vökvinn í kássunni er of þunnur og
látið malla þannig.
6. Berið fram með heitum basmati
hrísgrjónum.
Halldór Jörgensson, framkvæmda-
stjóri Microsoft á Íslandi, er sælkeri
mánaðarins.
Sælkeri mánaðarins:
KHORESHE GHORMEH SABZI Uppáhaldskvikmyndin:
DULÚÐ OG GRÍN
Kári Arngrímsson. „Í myndinni er spenna, grín og gaman
og það er besta samsetningin.“