Frjáls verslun - 01.09.2006, Blaðsíða 87

F R J Á L S V E R S L U N • 9 . T B L . 2 0 0 6 87
Gæði og góð gisting
Island-Reisen skipuleggur næstum einvörð-
ungu einstaklingsferðir þar sem mikið er lagt
upp úr gæðum og góðri gistingu. Ríta segir
að Ísland sé orðið svo dýrt að bakpokafólk
hafi ekki lengur ráð á að fara þangað heldur
einungis fólk sem eigi nóga peninga. „Það
spyr enginn lengur um svefnpokapláss eða
ódýrar ferðir. Það fer minnkandi að fólk
bóki herbergi án baðs og það vill bara góðan
bíl og eftirspurn eftir jeppum hefur því auk-
ist mikið. Ég vil að fólk njóti ferðarinnar til
Íslands og vil tryggja að það fái aðeins það
besta. Þess vegna fer ég heim á hverju ári og
kynni mér alla gististaðina sem ég býð upp á,
umhverfi þeirra og aðbúnað gestanna.“
Ferðamannatíminn hefur lengst á und-
anförnum árum og nær nú frá maí og út
september. Ríta segist senda marga ferða-
menn til Íslands í september og jafnvel
október og bætir við að hér heima séu menn
að gera mikil mistök með því að hækka
verðið og láta „high season“ verð gilda allan
þennan tíma. Annars staðar sé það aðeins
yfir hásumarið. „Ferðamannatíminn hefur
lengst og við hefðum ekki getað lengt hann
nema vegna þess að gisting var ódýrari í maí
og september. Það er algjör della að hækka
verðið á þessum tíma auk þess sem þjón-
ustan minnkar í september. Söfnum og veit-
ingastöðum er oft lokað um mánaðamótin
ágúst-september.“
Alltaf stór hópur sem hefur mikil fjárráð
Mikið hefur verið rætt um slæmt efnahags-
ástand í Þýskalandi og atvinnuleysi. Í Berlín
búa um 3,5 milljónir manna og af þeim
eru 18% atvinnulausir. Ríta segir Þjóðverja
kvarta mikið en það sé þó að breytast og
stemmningin í þjóðfélaginu sé aftur að verða
góð. „Það er þó alltaf til fólk sem hefur ráð
á að ferðast og stór hópur fólks þénar hér
mikla peninga. Samt verð ég að vara fólk við
að gæðin í ferðaþjónustunni á Íslandi eru
ekki þau sömu og í Evrópu. Við erum að
selja ferðir og þjónustu á Íslandi á sama verði
og á lúxushótelum í Taílandi og Indónesíu.
Matur er líka ofboðslega dýr en gæðin á
Íslandi eru víðast hvar mikil. Mér finnst líka
mikilvægt að ferðamennirnir fái að smakka
íslenskan mat, kannski ekki endilega svið og
hvalkjöt, heldur venjulegan góðan íslenskan
mat. Margir vildu gjarnan fá að smakka kjöt-
og fiskibollur, hangikjöt og grænar baunir,
og svo venjulegan fisk. Lax er eldisfiskur hér
og orðinn ein aðalfisktegundin, en ýsa eða
þorskur sjást ekki hér í búðum. Fólk verður
jafnvel fyrir vonbrigðum með að þurfa að
borða sama mat og þeir borða heima hjá sér.
Annars eru flestir ánægðir með Íslandsferð-
irnar þegar upp er staðið þótt fólk hringi
kannski til mín þegar það kemur til baka og
segi að þetta hafi verið dýrasta ferð sem það
hafi farið, en allt hafi verið hreint og fínt og
viðmótið einstakt.“
Ríta á skrifstofunni í Berlín. Í samræmi við fengshui er hún með
blóm og vatn bak við sig. Það vantar ekki vatnið í Goðafoss.
FYRST KOMU 15 FERÐAMENN
Á síðustu árum hafa hátt í 40 þúsund
Þjóðverjar komið til landsins á ári og
þýskir ferðamenn eru í þriðja sæti,
næstir á eftir Bandaríkjamönnum og
Bretum. Ríta Duppler er ein þeirra sem
beinir þýsku ferðamönnunum hingað.
Hún rekur ferðaskrifstofuna Island-
Reisen í Berlín og hóf að kynna Ísland
fyrir Þjóðverjum fyrir 16 árum. Fyrsta
árið komu 15 ferðamenn hingað á
hennar vegum og lengi framan af tvö-
faldaðist tala ferðamannanna milli ára.
Ríta býður eingöngu upp á einstaklings-
ferðir til Íslands og enn fjölgar þeim
sem koma á vegum Island-Reisen.
TEXTI OG MYND:
FRÍÐA BJÖRNSDÓTTIR