Frjáls verslun - 01.09.2006, Blaðsíða 25

F R J Á L S V E R S L U N • 9 . T B L . 2 0 0 6 25
FORSÍÐUGREIN
heilsufélagið og síðan Bláa Lónið. Ég stofnaði reyndar líka félag
sem var með heilbrigðisráðgjöf í fyrirtækjum. Ég rak það fyrirtæki
ásamt kollega mínum og vini, Kjartani Magnússyni lækni, en við
seldum það á síðasta ári. Ég hafði reyndar ekki verið virkur þar
lengi. Einnig stofnaði ég ásamt öðrum líkamsræktarstöðina Mátt
á sínum tíma sem síðar varð að Hreyfingu og það fyrirtæki er ekki
langt frá mér núna. Ég hef því komið víða við þar sem heilbrigði
hefur komið við sögu. Þetta hefur verið mín leið og ég er ákaflega
ánægður með hvernig til hefur tekist. Ég myndi ekki vilja gera neitt
annað í dag. Það var vissulega gefandi að starfa sem læknir en það
er bara allt annað verkefni og maður gerir ekkert annað á meðan.
Ég hef heldur ekki útilokað að ég ætti eftir að snúa mér að lækn-
ingastörfum einhvern tíma aftur og þá með samfélagshugsun að
leiðarljósi, maður veit aldrei.“
En hefur forstjórinn einhvern tíma til að hreyfa sig sjálfur?
„Ég mætti nú sennilega gera meira af því. Ég og konan mín, Björg
Jónsdóttir, stundum golfið nokkuð grimmt og síðan tek ég skorpu í
Hreyfingu annað slagið. Ég hleyp stundum og við hjónin göngum
um hálendið á sumrin. Þá má ekki gleyma því að ég sparka í gamla
félaga mína úr fótboltanum einu sinni í viku yfir vetrartímann. Við
hjónin eigum þrjú börn, Jón Gunnar, viðskiptafræðing hjá markaðs-
viðskiptum KB banka, Sigrúnu sem varð stúdent frá MR s.l. vor og
Pétur sem er yngstur og klárar Verzló næsta vor, þannig að heimilis-
lífið er að breytast.“
Það er ljóst að Grímur Sæmundsen er önnum kafinn maður.
Uppbygging Bláa Lónsins hf. og útrás vörumerkisins Blue Lagoon
Iceland á hug hans allan. Hann hefur unnið mikið þrekvirki og
frumkvöðlastarf og er óhræddur við að hrinda verkefnum í fram-
kvæmd. Það eru áhugaverðir tímar framundan hjá fyrirtækinu og
verður spennandi að fylgjast með þróun fyrirtækisins og þá sér-
staklega alþjóðlegri markaðs setningu þess.
Hæfir stjórnendur
„Mitt helsta hlutverk er að stýra vexti fyrirtækisins. Ég þarf að gæta þess
að vöxturinn verði ekki of hraður og íþyngjandi og í því samhengi er
lykilatriði að ráða hæfa stjórnendur með sér. Mín hægri hönd er Anna
G. Sverrisdóttir. Hún er framkvæmdastjóri og sér um allan daglegan
rekstur en í staðinn get ég einbeitt mér meira að stefnumótandi verk-
efnum og framtíðarsýn fyrirtækisins. Önnur lykilmanneskja er Ásta
Brynjólfsdóttir, yfirmaður rannsókna- og þróunarstarfsins. Síðan er
vörumerkjasérfræðingurinn okkar, Sigurður Þorsteinsson, sem er sá
besti hér á landi og þótt víðar væri leitað. Hann rekur eigið hönn-
unarfyrirtæki í Mílanó, Design Group Italia. Ekki eru margir sem vita
að Siggi hefur starfað með okkur í 10 ár. Þá erum við með öflugan
fjármálastjóra, Björn Ragnarsson, sem sér um öll fjármál fyrir tækisins,
og loks má nefna fasteignastjórann, Hartmann Kárason, en fasteignir
eru orðnar sérstakt verkefni vegna allra þeirra framkvæmda sem við
stöndum fyrir, bæði í Bláa Lóninu og í Reykjavík. Það er því orðið í
mörg horn að líta í fyrirtækinu. Við höfum verið heppin með starfs-
fólk og auk þeirra sem ég nefndi er óhætt að segja að valinn maður
sé í hverju rúmi og góður starfsandi ríkir innan fyrir tækisins þar sem
allir leggjast á eitt við krefjandi aðstæður. Nú starfa hjá okkur um 160
manns. Verkefni mín snúast töluvert um að sjá til þess að nýsköpunar-
verkefnin séu fullfjármögnuð og að við séum með traustan fjárhag. Við
erum svo lánsöm að fjármagnsskipan félagsins er sterk. Ytri samskipti
auk útrásarinnar taka því mestan tíma minn um þessar mundir.“
Áhugi á heilsu og hreyfingu
Grímur hefur alltaf haft mikinn áhuga á heilsu og hreyfingu. Hann
er formaður Knattspyrnufélagsins Vals en þar standa einmitt miklar
framkvæmdir yfir, sem munu gjörbreyta allri aðstöðu félagsins. „Ég
hef alltaf verið mikill áhugamaður um hollustu, heilbrigði og hreyf-
ingu. Á sínum tíma hafði ég sem unglæknir þörf fyrir að brjóta mig
frá norminu og hefðbundnum störfum lækna og stofnaði Íslenska
1994 1995 1996 1997 1998 1999 2000 2001 2002 2003 2004 2005 2006*
1.000
900
800
700
600
500
400
300
200
100
0
Velta Bláa Lónsins 1994-2006 í milljónum króna
Velta Bláa Lónsins verður yfir 1 milljarður á þessu ári.