Frjáls verslun - 01.09.2006, Blaðsíða 97

F R J Á L S V E R S L U N • 9 . T B L . 2 0 0 6 97
FÓLK
Viðskiptaráð beitir sér af krafti fyrir því að skapa samkeppnishæft við-
skiptaumhverfi, er öflugur bak-
hjarl menntunar og virkur vett-
vangur tengsla. Mitt starf hjá
Viðskiptaráði er því afskaplega
fjölbreytt. Verkefnin geta verið allt
frá því að taka á móti erlendum
fyrirmennum eða skipuleggja
fjölsótta atburði yfir í að hreinsa
til á kaffistofunni eftir hádegis-
matinn. Mest vinna fer þó í ýmis
skrif og hugmyndavinnu.“
Frosti segir mikið fram-
undan hjá Viðskiptaráði: „Helst
ber að nefna vinnu í tengslum
við vörumerkið Ísland. Þar sem
aldrei hefur farið fram samþætt
og heildræn markaðssetning á
vörumerkinu Íslandi telur ráðið
að þar sé til mikils að vinna.
Með vaxandi alþjóðavæðingu
hefur það mikla þýðingu fyrir
samkeppnishæfi landsins hvaða
augum landið er litið utan frá.
Með markvissri umfjöllun og
kynningu er mögulegt að skapa
landinu vissan gæðastimpil.
Þannig yrðu tengsl fyrirtækja við
Ísland þeim fremur til tekna en
trafala.“
Frosti er Kópavogsbúi í húð
og hár og hefur með fáeinum
undan tekningum alið mann-
inn þar alla tíð: „Eftir að hafa
útskrifast úr Menntaskólanum
í Kópavogi lá leiðin í Háskóla
Íslands þar sem hagfræðin varð
fyrir valinu. Ástæðan fyrir því
að ég kaus hagfræðina var fyrst
og fremst fjölbreytileiki fagsins.
Þar er tvinnað saman stjórn-
málum, heimspeki, stærðfræði,
tölfræði, heimspeki, siðfræði og
síðast en ekki síst viðskiptum
og fjármálum. Auk þess hljómar
hagfræði afar gáfulega, enda eru
hagfræðingar jafnan taldir fylgja
fast á eftir rokkstjörnum og leik-
urum hvað kynþokka og kven-
hylli varðar.
Hluta námsins tók ég í Mac-
quarie háskólanum í Sydney.
Borgin er einhver sú fallegasta í
heiminum auk þess sem Ástralir
eru afar gestrisið og skemmtilegt
fólk. Þrátt fyrir að hafa einungis
búið í eitt ár í Sydney finnst mér
ég vera þriðjungs Ástrali og reyni
að styðja mína menn hvar sem ég
get. Ég hef til að mynda líklegast
verið einn af fáum Íslendingum
sem studdi Ástralíu af hjarta og sál
á HM í fótbolta núna í sumar.“
Áhugamál Frosta eru mörg
og sífellt fjölgar þeim. „Þar eru
sennilega efst á baugi fótbolti,
golf, stjórnmál, kvikmyndir, bók-
menntir, tónlist, eldamennska
og ferðalög. Ég fór á skotvopna-
námskeið eina helgi fyrir stuttu
og hafði fyrir það ekki snert á
byssu. Það á enn eftir að koma í
ljós hvort það þróast í einhverja
allsherjar veiðidellu.
Sumarfríið nýtti ég til að flytja
í nýja íbúð en náði einnig að
skreppa í stutta ferð til Búlgaríu.
Íbúðin er Kópavogsmegin í Foss-
vogsdalnum enda er gott að búa
í Kópavogi eins og bæjarstjórinn
okkar hefur verið duglegur við
að kynna fólki. Búlgaríuferðin
var fyrst og fremst hugsuð sem
sáluhjálp í kjölfar vætusömustu
sumarbyrjunar sem ég hef upp-
lifað.“
Hjá Frosta er fátt annað
framundan en að koma sér fyrir
í nýju starfi: „Ég fer fullur til-
hlökkunar inn í þetta verkefni
enda góður vettvangur til frum-
legrar hugsunar, gefandi sam-
skipta við fólk og fjölbreytileika
í starfi.“
Nafn: Frosti Ólafsson.
Fæðingarstaður: Reykjavík,
16.8. 1982.
Foreldrar: Jóhanna
Hauksdóttir ljósmóðir og
Ólafur Frostason flugstjóri
(látinn).
Menntun: BSc-gráða í hag-
fræði frá Háskóla Íslands
og Macquarie háskólanum í
Sydney.
Frosti Ólafsson:
„Búlgaríuferðin
var fyrst og fremst
hugsuð sem
sáluhjálp í kjölfar
vætusömustu sum-
arbyrjunar sem ég
hef upplifað.“
hagfræðingur Viðskiptaráðs Íslands
FROSTI ÓLAFSSON