Frjáls verslun - 01.09.2006, Blaðsíða 88

88 F R J Á L S V E R S L U N • 9 . T B L . 2 0 0 6
Stjörnu-Oddi þróar og framleiðir mælitæki sem notuð eru við ýmiss konar hafrannsóknir, t.d. rannsóknir á þorski, skar-kola, skötusel og einnig á laxfiskum þar sem fylgst er með
því hvernig þeir haga sér eftir að þeir koma úr ám og út í hafið.
Mælitæki Stjörnu-Odda eru líka notuð í iðnaði, í kjarnorkuverum,
námum og hjá olíufyrirtækjum svo að nokkuð sé nefnt.
„Það merkilega við vörur okkar er að þær eru ekki bara litlar
heldur pínulitlar, svo litlar að koma má þeim fyrir í dýrum án
þess að það valdi þeim óþægindum. Tækin eru notuð til að afla
upplýsinga um fiskana í sjónum og það hvernig þeir haga sér,
en þetta eru þýðingarmiklar upplýsingar fyrir þá sem stunda
hafrannsóknir,“ segja hjónin Sigmar Guðbjörnsson og Jóhanna
Ástvaldsdóttir, stjórnendur Stjörnu-Odda. „Mælitækin eru m.a.
sérstök fyrir þær sakir að við setjum þau í umbúðir sem tryggja
að líkami dýra hafnar þeim ekki, en það skiptir miklu máli
til að tryggja endurheimtur. Fyrir nokkrum árum komu fram
óskir um búnað sem gerði kleift að merkja fiska neðansjávar.
Við hönnuðum þá merkingarbúnað í samstarfi við Hafrann-
Líklega eru ekki mörg íslensk fyrirtæki sem
geta tekið þátt í stórsýningum úti um allan
heim og látið sér nægja að taka sýningar-
gripina með sér í handfarangri. Þannig er því
þó farið með Stjörnu-Odda sem sýnir á næst-
unni örsmáan en háþróaðan tæknibúnað á
sýningum bæði í Bandaríkjunum og Belgíu.
TEXTI: FRÍÐA BJÖRNSDÓTTIR
MYNDIR: GEIR ÓLAFSSON
MÆLITÆKIN FARA
JAFNT Í LAXFISKA
SEM KJARNORKUVER
Sigmar
Guðbjörnsson
og Jóhanna
Ástvaldsdóttir,
stofnendur
og hluthafar í
Stjörnu-Odda.