Frjáls verslun - 01.09.2006, Síða 19

F R J Á L S V E R S L U N • 9 . T B L . 2 0 0 6 19
FORSÍÐUGREIN
GRÍMUR SÆMUNDSEN FORSTJÓRI
HEFUR SKÝRA SÝN Á FRAMTÍÐ BLÁA LÓNSINS:
HÚÐVÖRUR
Á HEIMSMARKAÐ!
Grímur Sæmundsen, forstjóri Bláa Lónsins, segir hér frá
þeirri útrás sem hafin er með sölu húðvara Blue Lagoon
Iceland á alþjóðamarkaði. Merkið er talið eiga raunhæfa
möguleika í hinum harða heimi húðvara. Mikil uppbygging
stendur núna yfir hjá fyrirtækinu og mun húsnæði
Bláa Lónsins tvöfaldast að stærð á næstu mánuðum.
G
rímur Sæmundsen er læknir að
mennt. Hann hefur verið í forsvari
fyrir uppbyggingu Bláa Lónsins og
því frumkvöðlastarfi sem hefur ein-
kennt starfsemi fyrirtækisins. Í dag
er Grímur einn af stærstu eigendum þessa ört
vaxandi fyrirtækis.
Bláa Lónið hf. var stofnað árið 1992 og var
Grímur í forsvari fyrir stofnun fyrirtækisins.
Saga þess hefur verið viðburðarík og svo mun
enn verða því að um mitt næsta ár verður ný og
glæsileg viðbót við núverandi aðstöðu Bláa Lóns-
ins tekin í notkun.
Aðstaða fyrir baðgesti Bláa Lónsins mun tvö-
faldast að stærð. Í framhaldi af þeirri stækkun er
fyrirhugað að ráðast í byggingu heilsulindarhótels
til að svara vaxandi eftirspurn erlendra gesta sem
hafa áhuga á gistingu við Lónið.
„Stækkunin og endurhönnun mun bæta alla
aðstöðu fyrir gesti Bláa Lónsins,“ útskýrir Grímur
þegar blaðamaður sest niður á skrifstofu hans í
Reykjavík og spyr um þessar breytingar.
MYNDIR: GEIR ÓLAFSSON
Á myndinni eru auk Gríms: Anna G. Sverrisdóttir, framkvæmdastjóri, Ása Brynjólfsdóttir
sem stýrir rannsóknum og þróunum og loks Björn Ragnarsson, fjármálastjóri.