Frjáls verslun - 01.09.2006, Blaðsíða 74
74 F R J Á L S V E R S L U N • 9 . T B L . 2 0 0 6
Ítalsk-íslenska viðskiptaráðið var stofnað í Mílanó árið 2001. Guð-jón Rúnarsson, framkvæmdastjóri Samtaka banka og verðbréfa-
fyrirtækja, hefur verið formaður ráðsins frá upphafi.
Spurður að því hverju hann vilji koma til leiðar segir Guðjón:
„Efla enn frekar samskipti Íslands og Ítalíu. Þó að viðskipti séu tölu-
verð milli landanna er enn langt í land að þau jafnist á við viðskipti
íslenskra fyrirtækja við mörg önnur Evrópuríki. Aukin þekking aðila
á viðskiptaumhverfi landanna er besta leiðin til að stuðla að meiri
viðskiptum milli þeirra.“
Aðaltilgangur ráðsins er að efla viðskipti landanna og Guðjón
segir að ráðið stuðli einkum að tilgangi sínum með fundum og ráð-
stefnum um málefni sem tengjast viðskiptum landanna og byggi í
sama tilgangi upp tengslanet. Guðjón nefnir sem dæmi að á fundi,
sem ráðið stóð fyrir með forsætisráðherra Íslands í Róm haustið
2002, hafi verið undirritaður tvísköttunarsamningur milli ríkjanna.
„Tvísköttunarsamningar eru tæki til að tryggja sem samkeppnis-
hæfast starfsumhverfi í viðskiptum landa og því var það táknrænt
að íslensk og ítölsk stjórnvöld skyldu velja þennan vettvang til að
undirrita samninginn. Ráðið hefur einnig staðið fyrir nokkrum
ítölskum viðskiptadögum á Íslandi, þar sem íslenskt athafnafólk
hefur miðlað af reynslu sinni af því að eiga viðskipti við Ítalíu og
ítalskir viðskiptamenn hafa verið boðnir hingað til lands og sagt frá
reynslu sinni af viðskiptum við Íslendinga. Árið 2005 tók ÍTÍS þátt í
því með listasmiðjunni Klink og Bank og sendiráði Ítala að setja hér
á landi upp sýningu um ítalskan nútímaarkitektúr. Sú sýning vakti
mikla athygli, ekki síst hjá íslenskum arkitektum. Í framhaldi hennar
fann ég fyrir áhuga ítalskra stjórnvalda á að virkja íslenska arkitekta
til að taka þátt í samkeppnum um einstök verkefni á Ítalíu. Hvort sú
hefur orðið raunin í framhaldinu veit ég ekki en oft er það þannig
að ekki þarf nema smáhvatningu til að hjálpa innlendum aðilum að
stíga skrefið og reyna fyrir sér í því sem þeir kunna best á erlendri
grund.“
Sendiráð í Róm
Ítalsk-íslenska viðskiptaráðið á regluleg samskipti
við sendiráð ríkjanna auk þess sem töluverð sam-
skipti hafa verið við svæðisbundin viðskiptaráð á
Ítalíu. Þess má geta að mikilvægt skref var stigið á
síðasta ári þegar Ísland opnaði sendiráð í Róm. Ítalir
eru hins vegar með sameiginlegt sendiráð fyrir Ísland og Noreg og
er það staðsett í Osló. „Til framtíðar litið skiptir máli að Ítalir opni
sendiráð hér á landi en það mun án nokkurs vafa styrkja tengsl land-
anna frekar á öllum sviðum.
Guðjón Rúnarsson. „Aukin þekking á viðskiptaumhverfi landanna er
besta leiðin til að stuðla að meiri viðskiptum þeirra á milli.“
ÍTALSK-ÍSLENSKA VIÐSKIPTARÁÐIÐ
Ítalía er land tækifæranna
Íslendingar hafa keypt mun meira af vörum frá Ítalíu en þeir
hafa flutt þangað út. Þannig hefur innflutningurinn numið í
kringum 4% af heildarinnflutningi á vörum til Íslands síðustu ár,
en útflutningurinn til Ítalíu hefur numið um 1%. Íslendingar kaupa
fjölbreyttar vörur frá Ítalíu, svo sem matvæli, vín,
bíla, lækningatæki og fatnað. Hins vegar hafa Ítalir
keypt af okkur fisk í áratugi, en einnig eitthvað af
landbúnaðarvörum. Vöruviðskiptin segja þó ekki
alla söguna þar sem þjónustuviðskipti milli land-
anna fara vaxandi. Þannig má benda á að ferðalög
bæði Íslendinga til Ítalíu og Ítala til Íslands hafa
stóraukist á síðasta áratug í samræmi við aukið framboð á beinu
flugi milli landanna. Þá hafa íslensku bankarnir átt töluverð við-
skipti við Ítalíu síðustu ár og einn íslenskur banki er með starfsstöð
í Mílanó.“
„Einn íslenskur
banki er með starfs-
stöð í Mílanó.“