Frjáls verslun - 01.09.2006, Síða 46

46 F R J Á L S V E R S L U N • 9 . T B L . 2 0 0 6
líka þegar við fórum að skoða málin að það
er margt gott að sækja til Íslands.
Ég er mikill fjölskyldumaður og mér
þykir gaman að vera með fjölskyldunni,
hvort sem það er við útiveru eða aðrar tóm-
stundir. Við keyptum okkur hjólhýsi í vor
og notuðum það til að ferðast um landið
vegna þess að þegar við fórum út á sínum
tíma höfðum við séð allt of lítið af því. Ég
hef líka gaman af veiði og reyni að stunda
hana með vinunum þegar tími gefst til, auk
þess sem ég er með létta mótorhjóladellu og
er með nýtt borðtennisborð í bílskúrnum.
Ég er þannig gerður að ég verð alltaf að hafa
mikið fyrir stafni og þrífst á aksjón.“
Forstjóri MEST
Þórður er sagður öflugur í starfi og ósérhlíf-
inn í vinnu. Hann segist sjálfur hafa mikinn
áhuga á því sem hann er að gera hverju sinni.
Skömmu eftir heimkomuna var hann ráðinn
aðstoðarforstjóri Pennans og Eymundssonar.
Hugmyndin var að Gunnar Dungal, þáver-
andi eigandi og forstjóri, minnkaði við sig
vinnu og að Þórður tæki við rekstri fyrirtæk-
isns. Aðstæður æxluðust þó á þann veg að
fyrirtækið var selt áður en Þórður hóf störf.
,,Ég réð mig því til Íslandsbanka og starf-
aði að erlendum samskiptum í tengslum
við möguleika bankans að hasla sér völl á
vettvangi flutningabransans. Eftir tveggja
mánaða starf hjá bankanum höfðu eigendur
MEST sambandi við mig og buðu mér starf
og síðan hef ég verið þar.“
Fyrir skömmu sameinuðust MEST og
byggingarvöruverslunin Súperbygg og við
Þ Ó R Ð U R B I R G I R B O G A S O N Í N Æ R M Y N D
Kunni að redda ókeypis pítsum
„Tóti er á ákaflega fjörugur og
skemmtilegur félagi,“ segir Ragnar
Þ. Jónsson, framkvæmdastjóri hjá
Eimskip, sem var með Þórði í verk-
fræðináminu. „Við vorum náttúrulega
fátækir námsmenn en höfðum það
samt gott. Tóti hefur alltaf kunnað
að fara með peninga og gera mikið
úr litlu og því snemma ljóst að hann
yrði góður rekstrarmaður. Á náms-
árunum í verkfræði lifðum við að
mestu á hrísgrjónum með karrýi og
dagsgömlu brauði sem var hægt að
fá með afslætti í bakaríinu. Þetta var
á þeim tíma þegar maður fékk píts-
una ókeypis ef hún var ekki komin
innan ákveðins tíma og Tóti var ansi
góður í að redda þeim án þess að
borga.
Tóti var góður námsmaður en for-
gangsröðin hjá okkur á námsárunum
er ekki til eftirbreytni. Í fyrsta sæti
var að skemmta sér, síðan komu
íþróttirnar og í þriðja sæti var námið.
Eitt af því sem hefur komið mér
á óvart við Tóta er hvað hann er
afburðagóður kokkur. Ég hélt ein-
hvern veginn að hann væri of mikill
töffari til að eiga sér þessa mjúku
hlið og nenna að standa í eldhúsinu
og dunda sér við matseld og gera til-
raunir. Í dag hittumst við reglulega
ásamt fleirum og drekkum gott rauð-
vín og borðum góðan mat.“
Ragnar Þ. Jónsson.
sameininguna varð til öflugt alhliða fyrirtæki
á sviði byggingariðnaðar með 250 manns í
vinnu og veltu upp á 6 milljarða króna á ári.
,,MEST er gríðarlega framsækið fyrirtæki
og vöxturinn hefur verið ævintýralegur. Síð-
ustu mánuðina höfum við lagt áherslu á að
breyta kúltúrnum í fyrirtækinu og temja
okkur nýja sýn sem í grófum dráttum felst
í því að gera hlutina vel og hafa gaman af
því sem við erum að gera. Hvað vörufram-
boð og þjónustu varðar höfum við styrkt
okkur gríðarlega. Við höfum ráðið til okkar
haug af mjög góðu fólki með mikla reynslu
og með því móti höfum við náð miklum
árangri.
Án þess að ég vilji fara nákvæmlega út í
það á þessari stundu get ég sagt að í framtíð-
inni ætlum við að færa verulega út kvíarnar
og bjóða upp á enn meiri og víðtækari þjón-
ustu á íslenskum byggingamarkaði. Við erum
til dæmis með í athugun stórfelldan innflutn-
ing á vörum, jafnframt því sem við leggjum
áherslu á vöruþróun á þeirri framleiðslu sem
við bjóðum upp á. Auk þess erum við að
skoða frekari kaup á fyrirtækjum sem falla vel
að okkar starfsemi.“
Þórður er sagður öflugur í
starfi og ósérhlífinn þegar
kemur að vinnu. Hann
segist sjálfur hafa mikinn
áhuga á því sem hann
starfar við hverju sinni.