Frjáls verslun - 01.09.2006, Blaðsíða 77
Brynjólfur Helgason, framkvæmdastjóri alþjóðasviðs og staðgengill bankastjóra Landsbankans, er í stjórn Bresk-íslenska viðskipta-
ráðsins sem var stofnað í nóvember árið 1997. Félagar eru 139 og þá
aðallega fyrirtæki.
„Ég hóf að starfa með ráðinu í fyrra að beiðni John Quitter, for-
manns ráðsins. Ég er í framkvæmdastjórn fyrir hönd Íslandsdeildar
ráðsins. Þess má geta að John Quitter hefur um árabil tengst við-
skiptum við Ísland eða allt frá því hann var tengiliður Citigroup í
London við Ísland fyrir um 20 árum. Hann starfaði einnig við fleiri
alþjóðlega banka sem eiga mikil viðskipti við íslensk fjármálafyrir-
tæki.“
Brynjólfur segir að mikilvægt sé að stuðla að auknum alþjóðavið-
skiptum íslenskra fyrirtækja í Bretlandi sem og fjárfestingum breskra
aðila á Íslandi. „Fjárfestingar íslenskra fyrirtækja í Bretlandi hafa verið
miklar síðustu ár. Þær eiga sér þó rætur enn lengra aftur í tíma þar sem
fiskmarkaðsfyrirtækin og flutningafyrirtækin hafa lengi átt þar starfs-
stöðvar. Umsvifamestar fjárfestingar íslenskra fyrirtækja í Bretlandi
hafa verið á smásölumarkaði, í matvælaframleiðslu, ferðaþjónustu og
fjármálafyrirtækjum. Þá eru ótalin lánaviðskipti íslenskra fjármálafyrir-
tækja við og í gegnum City of London sem er langfyrirferðarmesta
fjármálamiðstöð Evrópu. Lánaviðskiptin eru nú ekki lengur einhliða
eins og lengst af var venjan. Þannig eru íslenskir bankar nú bæði að
taka lán í gegnum fjármálafyrirtæki í London og jafnframt nokkuð
umsvifamiklir í útlánum til fyrirtækja starfandi í Bretlandi og víðar í
Evrópu, bæði í gegnum starfsstöðvar þar og á Íslandi.“
Í fyrsta sæti
Bretland var helsta útflutningsland Íslands samkvæmt tölum Hag-
stofunnar árið 2005 eins og árin á undan. „Verðmæti útflutnings til
Bretlands nam þá 34,6 milljörðum króna eða 18% af heildarútflutn-
ingi. Sjávarafurðir voru 82% útflutningsins til Bretlands árið 2005.
Bretland var í sjötta sæti innflutningslanda okkar á árinu 2005 en þá
nam innflutningur 18,1 milljarði króna. Stærsti einstaki liðurinn eru
vélar og samgöngutæki, eða 7,7 milljarðar króna, og síðan fjöldi ann-
arra vörutegunda af ýmsu tagi. Auk þess eru umfangsmikil fjármála-
viðskipti við Bretland sem og kaup íslenskra fyrirtækja á þarlendum
fyrirtækjum.“
Brynjólfur segir að enn sem
komið er hafi áhugi breskra fjárfesta
á beinum fjárfestingum í íslenskum
fyrirtækjum verið minni en áhugi
íslenskra á breskum. „Að hluta til
kann það að stafa af smæð íslenska
markaðarins. Hins vegar er eru
flest fyrirtækin skráð einungis í íslenskum krónum í íslenskri kauphöll
og það er ekki einfalt fyrir erlenda aðila sem vilja halda hlutabréfasafni
með dreifðri áhættu. Velta með bréf í mörgum skráðum fyrirtækjum
á Íslandi er einnig það takmörkuð að seljanleiki er ekki alltaf nógu
mikill. Þá skilja erlendir aðilar ekki vel verðtryggingu og talsverðar
gengissveiflur krónunnar. En sameining Kauphallar Íslands við OMX
getur stuðlað að alþjóðlegum viðskiptum með íslensk hlutabréf.“
BRESK-ÍSLENSKA VIÐSKIPTARÁÐIÐ
Brynjólfur Helgason.
„Umsvifamestar fjár-
festingar íslenskra
fyrirtækja í Bretlandi
hafa verið á smá-
sölumarkaði, í mat-
vælaframleiðslu,
ferðaþjónustu og fjár-
málafyrirtækjum.“
Aukin alþjóðaviðskipti nauðsynleg
F R J Á L S V E R S L U N • 9 . T B L . 2 0 0 6 77
„Sjávarafurðir voru
82% útflutningsins
til Bretlands
árið 2005.“