Frjáls verslun - 01.09.2006, Blaðsíða 80

80 F R J Á L S V E R S L U N • 9 . T B L . 2 0 0 6
M
un yfirstandandi skilnaður Bítilsins
Sir Paul McCartneys við eiginkon-
una Heather Mills slá öll met í
skilnaðargreiðslum? Fjölmiðlar spá
því að svo verði. Þeir giska á að Mills muni
hljóta 200 milljónir punda (26 milljarða
króna) í sinn hlut við skilnaðinn, þ.e. eftir
fjögurra ára hjónaband og eina dóttur. Sir
Paul hefur boðið Heather 30 milljónir punda
(3,9 milljarða kr.) en hún hefur hafnað þeirri
fjárhæð.
Paul McCartney og Heather Mills gerðu
ekki með sér kaupmála þegar þau gengu í
hjónaband fyrir fjórum árum.
En áður en menn taka upp vasaklútinn í
samúðarskyni við Bítilinn er rétt að minna
á að eignir McCartneys eru metnar á tæpan
milljarð punda, hann er í 65. sæti á auð-
mannalista Sunday Times.
Hugsanlega er meiri auður á leiðinni í
vasa Sir Pauls því að Bítlarnir hafa átt í ára-
löngum málaferlum við plötufyrirtækin EMI
og Capitol fyrir vangoldnar greiðslur frá því
forðum. Bítlakrafan er upp á 13,5 milljónir
punda. Og í ljósi Bítlaauðæfanna er þetta
hrein skiptimynt og merkilegt að þeir nenni
þessu – en kannski munar um allt.
Það má deila um hvort ástin verði metin
til fjár. Það er hins vegar löngu ljóst af skiln-
uðum breskra auðmanna að skilnaðir kosta
sitt. Lengi vel var metupphæðin í skilnaðar-
málum þær 17 milljónir punda (2,2 millj-
arðar króna) sem Karl Bretaprins greiddi
Díönu prinsessu við skilnað þeirra 1996.
Endurómur af því máli er að McCartney
réð lögfræðing prinsins, konu, til að ráða sér
heilt. Mills gerði sér lítið fyrir og réð lögfræð-
ing prinsessunnar.
Nýtt met var sett nýlega Í haust var sett
nýtt met þegar fráskilinni eiginkonu voru
dæmdar 48 milljónir punda (6,2 milljarðar
króna) í sinn hlut eftir 29 ára hjónaband
– börnin tvö eru flutt að heiman. Eiginmað-
urinn hafði auðgast á tryggingafyrirtæki sem
hann byggði sjálfur upp, eiginkonan hugsaði
um heimilið.
Hann var öskusár eftir dóminn, hugðist
áfrýja en það væri kannski óviturlegt: Að
greiddum hlut eiginkonunnar heldur hann
eftir 63% eigna sinna en af því að helm-
ingaskiptareglan vinnur á hér gæti hann átt
á hættu að áfrýjun kostaði hann enn meir.
Í þessu dæmi er ljóst hvað ástin kostaði en
spurning hvort það komi bakreikningur fyrir
þverúð.
McCartney og Mills Það telst ekki til merkis-
afmæla að verða 64 ára, en öðru máli gildir
þegar maður hefur búið til heimsþekkt lag
Þegar „All you need is love“ gildir ekki lengur duga lög-
fræðingar betur en ástin, eins og skilnaðarmál McCartney
– Mills sýnir, skrifar Sigrún Davíðsdóttir frá London.
ÞAR SEM ÁS TIN ENDAR
Skilnaður Paul McCartneys og Heather Mills:
TAKA LÖGFRÆÐINGARNIR VIÐ
L U N D Ú N A P I S T I L L S I G R Ú N A R