Frjáls verslun - 01.09.2006, Blaðsíða 37

F R J Á L S V E R S L U N • 9 . T B L . 2 0 0 6 37
Í
slenskur fasteignamarkaður er á miklu og jákvæðu
breytingaskeiði þar sem mörg tækifæri bjóðast,“
segja tvíburabræðurnir Arnar og Bjarki Gunn-
laugssynir. Á síðustu misserum hafa þeir bræður
gerst áhrifamiklir fjárfestar og framkvæmdamenn
í fasteignaviðskiptum, meðal annars með aðild að
Hanza-hópnum svonefnda. Verkefni hópsins eru fjöl-
mörg en hæst ber mikla uppbyggingu á Arnarneshæð
í Garðabæ. Á eigin vegum standa bræðurnir síðan að
byggingu tveggja 20 íbúða fjölbýlishúsa á Akranesi,
sínum gamla heimabæ.
Ákveðnir að fara í viðskipti
Bræðurnir Arnar og Bjarki Gunnlaugssynir snéru
heim til Íslands eftir sigursælan knattspyrnuferil
erlendis árið 2003. Þeir bjuggu og störfuðu erlendis
í um áratug og á þeim árum sem liðin eru frá
heimkomu hafa þeir haslað sér völl í viðskiptalífinu
og koma víða við. Eru sem fyrr segir áhrifamiklir á
fasteignamarkaðnum og á næstu vikum opna þeir
veitinga- og skemmtistaðinn Domo við Þingholts-
stræti, þar sem Ísafoldarprentsmiðja var lengi til húsa,
og verður þar lögð áhersla á matseld í amerískum
fusion-stíl.
„Það reynist mönnum oft erfitt að finna sér ný
viðfangsefni eftir að hafa verið lengi atvinnumenn
í knattspyrnu. Margir gerast þjálfarar eða tengjast
knattspyrnunni á annan hátt, beint eða óbeint. Við
bræðurnir vorum hins vegar ákveðnir að fara út í
viðskipti og nota peningana sem við lögðum fyrir
á knattspyrnuferlinum til að komast á skrið,“ segir
Bjarki.
Mikil viðurkenning
Tískuvöruverslun varð fyrsta viðfangsefni bræðranna,
en viðskiptafélagi þeirra þar var Sölvi Snær Magn-
ússon sem átti að baki langa reynslu sem starfsmaður
NTC. Síðsumars 2002 opnaði þríeykið verslunina
undir merkjum Retro í Kringlunni en síðar bættust
við búðir með sama nafni á Laugavegi og í Smára-
lind.
BRÆÐUR BYGGJA HÚS TEXTI: SIGURÐUR BOGI SÆVARSSONMYNDIR: GEIR ÓLAFSSON o.fl.
A T H A F N A M E N N