Tímarit Máls og menningar - 01.06.1969, Page 13

Þórbergur Þórðarson
Tveir þættir
Alþingiskosningar 1902
Vorið 1902 fóru fram alþingiskosningar hér á landi, til aukaþings. Þá var
í kjöri fyrir Austur-Skaftafellssýslu, séra Jón Jónsson prófastur að Staðarfelli
í Lóni af hálfu heimastjórnarmanna og Þorgrímur Þórðarson læknir í Borg-
um fyrir Valtýinga. í þann tíð bjó að Kálfafelli í Suðursveit Sigurður Sig-
urðsson, einn af efnuðustu bændum þar í byggðum. Sigurður var myndar-
legur maður að vallarsýn, rismikill í framgöngu og ákafamaður með ein-
dæmum og var engu líkara en stundum rynni á hann berserksgangur. Hann
var greindur vel að eðlisfari og klókur í viðbrögðum sínum við mannlífið,
sérhyggjumaður að upplagi en þó höfðingi heim að sækja. Hann hafði mjög
skemmtilega og sérstæða frásagnargáfu og lifði sig svo inn í frásagnarefnin,
að hann var tekinn að leika þau áður en hann vissi af. Fræg þar eystra er
saga af heimsókn Sigurðar til Þorláks bónda á Bakka á Mýrum. Þorlákur
var smiður góður og hafði stundum uppi þá skemmtun að segja fólki lyga-
sögur, greindur maður og fátækur og Sigurður hafði eitthvað greitt götu
hans. Nú berast þau tíðindi að Þorlákur á Bakka sé orðinn veikur af ískyggi-
legum sjúkdómi. Þá var Sigurður gamall og kominn til Valgerðar dóttur
sinnar í Hoffelli. Hann frétti af veikindum Þorláks og gerir sér ferð út að
Bakka til þess að vita um líðan hans. Sigurður kom að Holtum á Mýrum
í heimleiðinni frá Bakka. Hann var spurður um heilsufar Þorláks. Sigurður
svarar: „Nú er Þorlákur vesalingurinn mikið veikur. Ég heyrði ekki, hvað
hann sagði. En samt laug hann“.
Þeir Sigurður og Þorgrímur læknir voru góðkunningjar. Þorgrímur leitaði
nú til hans um kosningaaðstoð í Suðursveit.
Nokkru fyrir kosningar ber tvo gesti að garði á Kálfafelli. Það eru Jón
prófastur á Stafafelli og í fylgd með honum séra Pétur Jónsson, prestur á
Kálfafellsstað. Þeir hitta Sigurð að máli og leggja fast að honum að kjósa
prófast og útvega honum atkvæði í sveitinni.
3