Tímarit Máls og menningar - 01.06.1969, Page 14

Tímarit Máls og menningar
„Nei, það geri ég ekki, piltar,“ svarar Sigurður. „Ég kýs Þorgrím, og
það munu fleiri gera hér í sveit.“ Fengu þeir enga frekari áheyrn hjá Sig-
urði og skunduðu frá Kálfafelli gramir í geði.
Nú líður fram undir kosningar. Þá söðlar Sigurður hest og ríður á alla
bæi í Suðursveit fyrir austan Kálfafellsstað og lokkar bændur til að lofa
sér því að kjósa Þorgrím. Ef treglega gekk að fá skýlaust loforð, hét Sig-
urður kjósandanum að víkja að honum nautsskinnsskæðum eftir kosning-
amar. En ef kjósandinn lét ekki skipast við svo gott boð, segir sagan, að
Sigurður hafi gripið til áhrifameiri ráða, horfir ísmeygilega framan í kjós-
andann og segir: „Veiztu ekki, að Þorgrímur er læknir og getur drepið
þig, ef þú kýst hann ekki?“
Þetta hefur kjósandinn átt að skilja á þann veg, að Þorgrími væri í lófa
lagið að kála honum, ef hann yrði veikur og þyrfti að leita til hans lækningar.
Að morgni kjördags lætur Sigurður sækja fjóra hesta, einn handa sjálfum
sér, annan handa Sigurði yngra syni sínum, sem átti að fá að fara með sér
til skemmtunar, og tvo handa kjósendum, er kynni að vanta dróg. Síðan snar-
ast hann inn í eldhús og tekur þar niður nokkrar lengjur af nautshúð, sníður
þær í skæði og bindur skæðin fyrir aftan hnakkinn sinn. Svo halda þeir
feðgar úr hlaði.
Sigurður ríður heim á flesta bæi í Suðursveit, sem voru í leið hans til
kosninganna, kveður upp bændur og lætur þá fylgja sér austur að Flatey
á Mýrum, en þar skyldi kjósa. Hann brýnir mjög fyrir liðinu að halda vel
hópinn og fylgja sér fast eftir. Það gat haft ófyrirsjáanlegar afleiðingar, ef
kjósandi flæktist inn í fylgilið prestsins á Stafafelli.
Þeir stigu af baki á bökkunum fyrir austan Flateyjarbæina, allir nema
Sigurður og sonur hans. Sigurður sér, að margt manna er heima við í
Flatey, og ennþá nokkur stund, þar til kosning skyldi hefjast. Sigurði mun
ekki hafa litizt meira en svo á að hleypa hjörð sinni strax í sollinn og talar
til hennar og segir: „Þið skuluð bíða hérna, vesalingar. Ég ætla að skreppa
snöggvast heim.“ Síðan ríður Sigurður heim að Flatey og sonur hans með
honum, en kjósendurnir híma eftir austur á bökkunum, svo sem fimm mín-
útna gang frá bænum.
Sigurður mætir Þorgrími á hlaðinu í Flatey. Þorgrímur verður fyrri til
máls og ávarpar Sigurð: „Sæll og blessaður, Sigurður minn!“
Sigurður svarar: „Ég er kominn með þá.“
Eftir lítinn tíma var gengið til kosninga. Það mun hafa verið í næstsiðasta
sinn, sem kosið var með uppréttum höndum hér á landi. Sigurður ríður
4