Tímarit Máls og menningar - 01.06.1969, Qupperneq 30

Tímarit Máls og menningar
hvar möguleikarnir eru faldir til aS umbylta skipulaginu. En þar stendur
svarið í Marcuse, þar sem hann hefur dæmt úr leik eða misst trúna á það
„klassíska afl“ er samkvæmt marxismanum gegnir því sögulega hlutverki að
afnema auðvaldsskipulagið, þe. verkalýðsstéttin. Einn taldi hann ekki hafa
annað en neikvæði, ekkert jákvæði að flytja. Hann lendi í vítahring þegar
hann eigi að gefa svar við því hvernig hið nýja samfélag eigi að verða og
eins hvernig eigi að bylta því gamla. Og margt fleira hefur verið borið fram
af rökum eða mótbárum gegn kenningu Marcuses og öðrum sem ganga í
svipaða átt. En þetta verður ekki metið nema í sögulegu ljósi og af saman-
burði við skoðanir marxismans í einstökum atriðum og við veruleik sam-
tíðarinnar. Þar væri eitt nærtækasta verkefni að meta nútíðarstöðu verk-
lýðsstéttarinnar í iðnþróuðu löndunum.