Tímarit Máls og menningar - 01.09.1984, Page 47
Steve Canyon
öllum gamanmyndum frá Hollywood. Þetta er lögregluþjónnfww fremur en
bara einhver lögregluþjónn: Lögin sem Vinur. Samtalið hljómar svona:
„Nei, þetta er Steve Canyon! Systir mín í Shannon skrifaði mér að þér
hefðuð heimsótt hana sjálfur.“ — „Víst gerði ég það, og henni líður vel.“
Þegar lögregluþjónninn þakkar Steve (sem hann nefnir kumpánlega Stevie)
fyrir að hafa sýnt systur sinni vinsemd, sýnir það að söguhetjan er í vinfengi
við lög og reglu og góður náungi.
Annar myndrammi. Steve er greinilega staddur við inngang að stórhýsi. Þar
hittir hann fyrir dyravörð. Samband Steve við dyravörðinn er eins og við
lögregluþjóninn. En þar sem lögregluþjónninn var fulltrúi yfirvaldanna er
dyravörðurinn bara hann sjálfur; þegar Steve sýnir honum einnig vingjarn-
legt viðmót er það vegna þess að samskipti hans við annað fólk eru ekki
úthugsuð heldur vingjarnleg af sjálfu sér. „Gaman að sjá yður aftur, herra
Canyon. Strákurinn minn fékk minjagripinn sem þér senduð honum frá
Egyptalandi.“ Steve er sem sagt barngóður og hann ferðast til fjarlægra
ævintýralegra landa. Stutt svar hans, „gott!“ sýnir að hann er vinsamlegur
en lítið fyrir að láta tilfinningar í ljós. Það má líka skilja á orðum dyravarðar-
ins að Steve sé nýkominn heim eftir langa fjarvist.
Þriðji myndrammi. Úr þessum myndramma má lesa meira en nokkrum
hinna. Ekki kemur skýrt fram hvað Steve hefur hafst að meðan hann var í
burtu. Jafnóljóst er samband hans við blinda manninn við söluborðið. —
„Tilkynni, kominn aftur herra liðþjálfi!“ segir Steve, en hinn svarar: „Cany-
on höfuðsmaður. Þér höfðuð víst í nógu að snúast fyrir mig í þessari ferð!
Eg er hérna með peningana sem þér fáið út úr þessu ... Þér munuð ekki
iðrast þess að hafa hjálpað mér við þessi viðskipti.“ Þeir hafa sem sagt átt
einhver viðskipti sem hafa verið ábatasöm. Canyon tengist nú fjármálum
sem einhver óvissa fylgir. Rétt er líka að taka eftir að hann er nefndur
397