Tímarit Máls og menningar - 01.09.1996, Blaðsíða 126

sem ég vék að í upphafi og þau fengu Þjóðminjasafni á sinni tíð til varðveislu.
Við nánari athugun komst ég á snoðir um að Sveinn og Guðmundur áttu
hér báðir hlut að. Síðan hef ég forðast fullyrðingar um hvor eigi hvað og ekki
ófyrirsynju, því sannast hefur að einn maður enn tók reyndar brot þessarar
örfilmu: Bernharð Laxdal. Ég tel þó engan vafa leika á að myndskeið það sem
Þorgeir fjallar um sé effir Svein.
Ekki eru það ný tíðindi að fáar upptökur séu til af vinnandi fólki á fslandi
frá fyrri hluta aldarinnar hvort heldur í vinnugalla eða sparibúnu, því
kvikmyndatökur voru sáralítið iðkaðar hérlendis á þeim árum. Samanburð-
ur kvikmynda og ljósmynda er því út í hött. Hitt er lakara að ljósmyndir af
fólki við vinnu sína eru líka fátíðar. Þó eru nokkrir tugir slíkra mynda í 4.
bindi Eskju en hefðu mátt vera miklu fleiri. Meiru var hreinlega ekki til að
tjalda.
Leiðréttingar
Til Friðriks Rafnssonar.
Ágæti ritstjóri. Ég hef verið beðinn um að leiðrétta eitt atriði í athugasemd minni í
TMM 2. hefti 1996. Þar er í lokin beðið fyrir kveðjur til formanns málffelsissjóðs,
en því miður er þar um misskilning að ræða og er sjóður sá alls ótengdur Þorgeiri
Þorgeirsyni. Hið rétta er að Þorgeir er formaður málverndarsjóðs.
Bestu kveðjur og fyrirfram þökk,
Geirlaugur Magnússon
Frá ritstjóra.
Tvær meinlegar villur slæddust inn í fyrsta og annað hefti ársins. f fyrsta hefti er villa
í þýðingu Karls Guðmundssonar á ljóði eftir Seamus Heany. Síðasta línan í næst-
síðasta erindi ljóðsins á blaðsíðu 5 er svona í tímaritinu: „eins og flotþétt uppstækkað
„ovum“-“ en það á að vera „eins og flotlétt uppstækkað „ovum“-“. Þýðandi og
lesendur eru beðnir velvirðingar á þessum mistökum og hvattir til að setja 1 í stað þ
í sínum eintökum.
Hin leiðréttingin er sú að í síðasta hefti var Franz Gíslason titlaður menntaskóla-
kennari. Hið rétta er að hann kennir þýsku við Vélskóla íslands. Franz er hér með
beðinn afsökunar á þessari rangfærslu.
F.R.
124
TMM 1996:3