Tímarit Máls og menningar - 01.12.1999, Blaðsíða 106

PS (frá ritstjóra)
Ágæti lesandi, þá er þetta sextugsafmælisár tímaritsins að renna sitt skeið á
enda, ár sem er j afnframt það sí ðasta á öldinni að margra dómi þótt aðrir séu
annarrar skoðunar. Hvað um það, þá vil ég þakka kærlega þeim fjölmörgu
áskrifendum sem höfðu samband og brugðust við þeirri beiðni minni að láta
vita af þeim sem hefðu verið áskrifendur lengur en þrjátíu ár. Þetta varð
kveikja fjölmargra sérlegra ánægjulegra símtala og bréfa sem sýna að tíma-
ritið á sér dygga og trúa lesendur sem hafa vitaskuld átt meginþáttinn í því að
það hefur getað haldið merki bókmennta og hugsunar hátt á loft í sextíu ár.
Fleira hefur verið gert til að minnast þessara tímamóta, m.a. var haldið
TMM-kvöld í vor og í maí var auglýst ritgerðasamkeppni undir yfirskrift-
inni „íslensk menning í aldarlok". Hið fyrrnefnda tókst prýðilega, en því
miður hlaut ritgerðasamkeppnin heldur dauflegar undirtektir og eftir tals-
verða yfirlegu og vangaveltur ritnefndarinnar var niðurstaðan sú að engin
ritgerðanna væri nægilega áhugaverð til að verðlauna hana. Höfundar
ritgerðanna, sem sendu allir inn undir dulnefhi, eru því beðnir að gefa sig
fram við tímaritið fyrir áramót vilji þeir fá handritið til baka.
Enda þótt flestir lesendur tímaritsins sæki væntanlega í það bókmennta-
og listaefni, heyrast stundum óskir um almennara efni sem snertir meira þá
frægu „urnræðu" sem er í gangi í þjóðfélaginu hverju sinni. Til að koma til
móts við þessar óskir eru því birtar fjórar greinar sem flokkast undir þess
konar efni, greinarnar um mannbætur og erfðarannsóknir fyrr og nú, og
grein um bókina „öld öfganna“ eftir breska sagnfræðinginn Eric Hobs-
bawm. Þannig vona ég að bókmenntaunnendur fái ýmislegt við sitt hæfi í
þessu hefti og að áhugafólk um samtímasögu og heimspeki fái líka sitt.
Eins og kunnugt er hlaut þýski rithöfundurinn Gunter Grass Nóbels-
verðlaunin í ár og því er ekki úr vegi að minna á að eina alvöru yfirlitsviðtalið
sem til er á íslensku við hann birtist hér í tímaritinu í ársbyrjun 1998. Þetta er
lítið dæmi um það menningarhlutverk sem tímaritið getur leikið: að vera á
undan fjölmiðlunum með bitastætt efni sem síðan stendur mun lengur.
Viðtalið birtist fyrst í franska tímaritinu „L’Atelier du roman“, en þetta
sama tímarit stóð nú í haust fyrir heljarmikilli ráðstefnu um hugtakið
104
www.mm.is
TMM 1999:4