Tímarit Máls og menningar - 01.12.2000, Síða 76

RÚNAR HELGI VIGNISSON
Það fór svo sem ekki mikið fyrir mér. En ég tók eftir þér.
Ertu innan úr Djúpi?
Nei, nei, ég er héðan.
Skrýtið, mér finnst ég eigi endilega að þekkja þig.
Já, þú þekkir mig. Andi heiti ég og bý á loftinu. Við erum skyld.
*
Bæjarbúar sögðu: Já, þú ert hún litla dóttir hans Þórðar á Sjónarhæð.
Og ert komin aftur.
Já, ég er komin heim aftur, sagði ég.
Og hvað geturðu nú gert hérna hjá okkur?
Það er nú eitt og annað. Ég á að heita þróunarfulltrúi hjá ylckur.
Já, þú hefur verið ráðin af Bjargvættunum. Og hvað á nú að þróa?
Vonandi eitt og annað, ekki virðist vanþörf á. Mótþróa kannski!
Það er nefnilega það. Og hvernig hefur hann Þórður það?
Hann skemmtir þeim á Hrafnistu í Hafnarfirði, er húsvörður þar.
*
Það var sumar og háannatími hjá þróunarfulltrúanum. Ég hellti mér út í
vinnu, ýmsu þurfti að breyta, annað að bæta. Á safhið var stöðugt
rennirí. Gestirnir komu á ólíklegustu tímum, jafnt útlendir sem inn-
lendir, og vildu kynna sér þennan geira íslandssögunnar. Oft hrökk ég
upp við að útflött nef lágu á rúðunni. Fólk átti til að æða inn til mín á
gönguskóm og munda myndavélar. Eitt sinn þegar ég var að koma úr
baði, það var ffanskur ferðamaður sem hélt þetta væri hluti af safhinu:
Þannig böðuðu íslendingar sig. Þá var mér brugðið, en tókst þó að leiða
manninn af þessum villigötum. Pardon, pardon, hneggjaði hann miður
sín og gekk aftur á bak út, var næstum dottinn ffam af stéttinni. Eftir
þetta lét ég setja lítið spjald við dyrabjölluna hjá mér: Prívat, og upp ffá
því fékk ég að minnsta kosti ff ið til að baða mig. Ég hugsaði með mér að
ég yrði að setja upp þykk gluggatjöld ef ég ætlaði að stunda einkalíf í
þessum húsalcynnum. Og muna eftir að læsa, sumir bæjarbúar áttu til
að æða inn eins og þeir væru heimagangar. Flestir fóru beint upp á loft,
enda var stundum glatt á hjalla hjá Anda, einkum þegar hann greip í
nikkuna. Ég fór að sjá eftir að hafa hætt mínu tónlistarnámi.
Það gafst svo sem ekki mikill tími til að velta sér upp úr slíku, því fyrr
74
malogmenning. is
TMM 2000:4