Gerðir kirkjuþings - 2004, Qupperneq 29

Kirkjuráðs sem leggur reikninginn fram ár hvert á Kirkjuþingi á meðan á verkefninu
stendur.
Að öðru leyti er vísað til skýrslna í Árbók kirkjunnar um ofangreind málefni, eins og við
getur átt.
Langamýri
Kirkjuráð og Löngumýramefnd gengu frá nýjum samstarfssamningi á þessu starfsári.
Löngumýramefnd, sem hafði verið skipuð tímabundið frá 11. júní 2003 til loka þess árs,
hefur verið skipuð ffá 1. janúar 2004 til 30. júní 2007 og er það í samræmi við það sem
almennt gildir um slíkar stjórnir og stofnanir. Nefndina skipa nú sr. Gísli Gunnarsson
formaður, sóknarprestur í Glaumbæjarprestakalli, Sigríður Gunnarsdóttir guðfræðingur,
Hólum í Hjaltadal og sr. Magnús Magnússon sóknarprestur í Skagastrandarprestakalli. Ur
nefndinni hverfa þær sr. Dalla Þórðardóttir og Jóhanna Pálmadóttir Akri,
Húnavatnsprófastsdæmi.
Kirkjuráð samþykkti að heimila forstöðumanni Löngumýrar að reisa íbúðarhús á
Löngumýri. Er um færanlegt hús að ræða sem hann kostar sjálfur. Kirkjuráð og
Löngumýri leggja til lóð undir húsið og jafnframt kostaði Kirkjuráð gerð sökkla og lagna
að húsinu.
Fjölskylduþjónusta kirkjunnar
Auknar skyldur hafa lagst á Fjölskylduþjónusta kirkjunnar. Hefur það leitt til þess að
stofnunin hefur verið rekin með nokkrum halla undanfarin ár. Framlag Kirkjumálasjóðs
hefur verið hækkað til að mæta kostnaði við handleiðslu en Kirkjuráð mun leggja áherslu
á að styrkja rekstrargrundvöll stofnunarinnar enn frekar.
Leikmannaskóli Þjóðkirkjunnar
Stjórn skólans var falið að endurmeta starfsreglur skólans, sbr. samþykkt Kirkjuþings
2002. í samræmi við tillögu að stefnumótun í fræðslumálum sem liggur fyrir Kirkjuþingi
2004 er lagt til að leikmannafræðslan færist undir fræðslusvið Biskupsstofu. Þess vegna
verði sérstakar starfsreglur um Leikmannaskólann felldar úr gildi. Þá ákvað Kirkjuráð að
endurskipa stjóm Leikmannaskólans til næstu áramóta og verður skipun hennar
væntanlega framlengd út skólaárið ef Kirkjuþing samþykkir fræðslustefnuna.
Tónskóli Þjóðkirkjunnar
Starfsemi skólans hefúr verið með hefðbundnum hætti í Grensáskirkju, en eins og
kunnugt er keypti Kirkjumálasjóður talsverðan hluta af neðri hæð safnaðarheimilis
kirkjunnar, undir starfsemi skólans.
Strandarkirkja
Strandarkirkjunefnd hefur í umboði Kirkjuráðs yfirumsjón ásamt sóknarnefnd með
málefnum Strandarkirkju og kirkjugarðsins. Um rekstur og framkvæmdir í Strandarkirkju
vísast til greinargerðar í Árbók kirkjunnar.
VI. Onnur mál
Skipan í stjórnir og nefndir á árinu
Kirkjuráð skipaði í nokkur trúnaðarstörf á tímabilinu:
27