Gerðir kirkjuþings - 2004, Síða 105
Lokaorð forseta Kirkjuþings.
Ágætu þingfulltrúar, starfsfólk og gestir. Kirkjuþing 2004 er að ljúka störfum. Að þessu
sinni hafa allir, sem áhuga hafa, getað fylgst jafnóðum með ffamvindu mála á þinginu,
þar sem öll þingmál voru sett inn á kirkjuvefinn, þegar þau voru lögð fram. Síðan voru
málin aftur birt þar þegar þau voru endanlega afgreidd frá þinginu.
Gott starfsfólk Kirkjuþings hefur náð þessu marki með þeirri tækni, sem það hefur hér
yfir að ráða. Er það mikil breyting á fáum árum, þegar langan tíma tók að koma þessu
efni á framfæri.
Vil ég þakka starfsfólki kærlega fyrir þetta og önnur þeirra vel unni störf eins og jafnan
áður á Kirkjuþingi, um leið og ég flyt öllum kirkjuþingsfulltrúum bestu þakkir fyrir
ánægjulegt samstarf á þessu Kirkjuþingi. Ég veit ekki hvort Halldór Gunnarsson hefur
fengið hugskeyti frá mér þegar hann lýsti áðan ánægju sinni með störf þessa þings, en það
hefúr verið mér efst í huga síðustu dagana, hvað störfm hafa gengið hér vel og hvað menn
hafa gengið til verks með gleði.
Sannarlega hafa því ræst von mín og ósk, sem ég bar fram í upphafí þings, því að allir
hafa lagt sig fram við að ganga glaðir til starfa og leita bestu leiðanna í hverju máli, sem
hver og einn hefúr getað fúndið. Og árangurinn hefur orðið í samræmi við það.
Á þessu þingi voru lögð fram tuttugu mál. Eitt var dregið til baka, en önnur hafa fengið
einhverja afgreiðslu. Athyglisvert er að aðeins voru gerðar breytingar á tveimur
starfsreglum og einar voru numdar úr gildi. Er það mikil breyting frá því sem áður var,
þegar setning þeirra var aðal verkefnið. Nú hefur fyrst og fremst verið fjallað um
vinnubrögð kirkjunnar og markmiðssetningar í samræmi við þau umfangsmiklu og
knýjandi verkefni, sem kirkjan þarf að leysa af hendi og aðstæður í samfélaginu kallar á.
Mér hefur fundist umræðan, sem hér hefur farið fram, hafa borið þann árangur, að ég geri
mér betur grein fyrir verkefnunum morgundagsins. Þar var dregið fram, að auðvitað eru
það málefnin og árangur starfsins, sem við
hljótum að horfa á. Síðan er það skipulagið og vinnubrögðin, sem verðum
við að aðlaga miðað við hinar gjörbreyttu aðstæður nýrra tíma.
Ég held því að umræðan hér og ríkjandi viðhorf hafi verið tímabært og gott veganesti
fyrir nefndina sem við vorum að kjósa og á nú að fara að taka til við vandasamt starf.
Ég vil endurtaka þakklæti mitt til ykkar og óska öllum góðrar heimkomu og velfarnaðar í
störfum. í þeim störfum bíður okkar m.a. að vinna áfram að því sem við höfum verið að
fjalla hér um á kirkjuþingi. í því sambandi hefur verið rætt um tengsl fulltrúa við
grasrótina, héraðsfundi og söfnuði.
Á þeim vettvangi höfum við skyldum að gegna að gera það, sem í okkar valdi stendur að
kynna málefni kirkjuþings og vinna að framgangi þeirra.
Jón Helgason.
103