Gerðir kirkjuþings - 2004, Qupperneq 65

kirkjunni, jafnt starfsfólks í bama og unglingstarfi sem organista og presta, til þess að þau
geti sinnt leiðtogahlutverki sínu við messusöng og annað helgihald. Bjóða þarf nám og
námsleiðir á vegum Tónskólans sem spanna alla iðkun kirkjutónlistarinnar.
Menntun kirkjutónlistarfólks greinir sig frá almennri tónlistarmenntun einkum með því að
hún inniheldur sérstaka áherslu á fræðslu um kirkjuna sjálfa, kenningu hennar og siði.
Það er stefna kirkjunnar að þessir þættir séu skilyrði fyrir því að fá fasta ráðningu sem
organisti.
Til þess að framfylgja kirkjutónlistarstefnunni, vera ráðgjafí biskups og
kirkjustjómarinnar í málefnum kirkjutónlistarinnar og leiðbeinandi fyrir presta, organista
og sóknamefndir, skipar biskup söngmálastjóra og setur honum erindisbréf, eins og
heimild er fyrir í starfsreglum.
Um kirkjusönginn
Um almennan söng
Til þess að söfnuðurinn eigi þess kost að geta tekið undir söngva við guðsþjónustur og
annað samkomuhald og gert það að fostum lið í trúariðkun sinni, þarf að leggja aukna
rækt við almennan söng í kirkjunni. Sérstaklega ber nauðsyn til að styðja almennan söng
við athafnir kirkjunnar: útfarir, hjónavígslur, skírnir og fermingar.
Æskilegt er að í hinni almennu guðsþjónustu sunnudagsins séu sálmar eins og
inngöngusálmur og guðspjallssálmur æyinlega sungnir í almennum söng. Þar sem því
verður við komið má kynna og æfa nýja sálma við upphaf guðsþjónustu.
Gæta má að því í auknum mæli að kristin kirkja starfar í ólíkum menningarheimum. Þetta
kemur skýrt fram í mismunandi sönghefð og tónlistarhefð kirknanna. Þó að ekki sé
sjálfgefið að áherslur framandi menningarheima eigi fyrirvaralaust aðgang að
helgihaldinu hvar sem er í heiminum, þarf að opna helgihald safnaðanna hér á Islandi
fyrir nýrri sýn á kirkjuna um allan heim og gefa söfnuðunum hlutdeild í fjölbreytileika
sönghefðarinnar.
Þjóðkirkjan þarf jafnframt að leggja rækt við eigin hefðir og brúa bilið milli þjóðlegra
hefða og kirkjulegra. Þjóðkirkjan styður eftir mætti nýsköpun í kirkjusöng, bæði texta og
tóns, en hvetur einnig til varðveislu og notkunar tónlistararfsins.
Um kórsöng
Aðrar tegundir kirkjusöngs en einradda safhaðarsöngur er æskilegur hluti hins almenna
helgihalds, sérstaklega Qölradda kórsöngur, enda tilheyrir hlutverk hans hinni almennu
þátttöku safnaðarins í helgihaldinu. Góður kór eykur með iist sinni á fegurð og Qölbreytni
kirkjusöngsins.
Við sérstakar aðstæður í söfnuðum getur kirkjukórinn verið stór hluti þeirra sem sækja
messu sunnudagsins. Æskilegt er að taka tillit til þessa í stefnumörkun um kirkjusönginn
og í kirkjustarfinu í heild. Virkir þátttakendur í söngkórum kirknanna eru vel á þriðja
þúsund á öllu landinu. Þetta er öflugur hluti hinnar starfandi kirkju, og í mörgum tilvikum
sá hópur sem er leiðandi í starfi viðkomandi safnaðar.
63