Gerðir kirkjuþings - 2004, Side 55

Um 2. kafla. Starfsmannaþjálfun
Árangur af fræðslustarfí Þjóðkirkjunnar er að stórum hluta undir því kominn að
“Þjóðkirkjan hafi á að skipa hæfu, áhugasömu og ábyrgu starfsfólki...”8 Fræðslustefna
Þjóðkirkjunnar miðast þess vegna bæði við þau sem þjónað skal og þau sem veita þá
þjónustu - þau sem frædd eru og þau sem fræða.
Þjóðkirkjan þarf að skilgreina lágmarkskröfur til starfsfólks síns, hvað varðar menntun,
reynslu, mannleg samskipti og aðra þá þætti sem mikilvægir eru í kirkjulegu starfi. Huga
þarf að gæðastjómun í því samhengi, að starfsfólk í sambærilegum störfum fái
sambærilega þjálfun til þess að þjónusta Þjóðkirkjunnar gagnvart meðlimum sínum sé
sem best. I framkvæmd merkir þetta aukna starfsmannaþjálfun, þar sem launuðu
starfsfólki sé gert að hafa hlotið vissa grunnþjálfun. Það skal tekið fram að í gildi eru
starfsreglur um þjálfun guðfræðinema svo og djáknanema. I þessu sambandi má nefna að
sænska kirkjan hefur sett það sem skilyrði að allir sem hyggjast starfa innan hennar sæki
grunnnámskeið hvort heldur þeir eru hámenntaðir í guðfræði eða ekki.
Þá er brýnt að efla sjálfboðið starf innan Þjóðkirkjunnar og nauðsynlegt að bjóða upp á
einhverja þjálfun. Þjóðkirkjan þarf að njóta kraffa sjálfboðaliða í auknum mæli til að geta
vaxið og virkjað enn fleiri til starfa.
Um starfsþjálfun og símenntun starfsfólks segir í 6. gr. starfsmannastefnunnar að
“Þjóðkirkjan veitir starfsfólki sínu starfsþjálfun, gefur því kost á endur- og símenntun...”
Þá er í sömu grein rætt um að gefa starfsfólki kost á að fara í kynnisferðir og sækja
námskeið og ráðstefnur. Áherslan á starfsánægju hefur ekki verið nægjanlegur. Ánægt
starfsfólk veitir betri þjónustu. Semja þarf áætlun um símenntun presta, djákna og annars
starfsfólks Þjóðkirkjunnar í samræmi við markmið starfsmannastefnunnar.
Um 3. kafla. Kirkja og skóli
Samstarf við starfsfólk í frœðslu- og uppeldismálum
Almannafræðsla á Islandi á sér sögulegar rætur í kirkjulegum jarðvegi og hefur alltaf
verið mikið samstarf milli kirkju og skóla. Skólinn hefur tekið að sér að sinna
grunnfræðslu um kristna trú og trúararf svo að nemendur öðlist skilning á mótandi
áhrifum kristninnar á sögu og menningu þjóðarinnar. Jafnframt eru hraðfara breytingar að
verða á íslensku samfélagi í átt til fjölbreyttra lífsviðhorfa sem kallar á aukna fræðslu um
önnur trúarbrögð.
Samstarf kirkju og skóla er fjölbreytilegt. Gæta þarf að ólíkum hlutverkum þessara
tveggja stofhana. Skólanum er ætlað að fræða um trú og lífsgildi. Hlutverk kirkjunnar er
að boða kristna trú og lífsgildi þannig að þeir sem henni tilheyra tileinki sér boðskapinn.
Kirkjan getur vissulega stutt skólasamfélagið með fræðslu um trú og lífsviðhorf en þá á
áðumefndum forsendum skólans. Samstarf kirkju og skóla er mikilvægt í
grenndarsamfélaginu því báðar þessar stofnanir vilja hag bama og unglinga sem bestan.
Möguleikar Þjóðkirkjunnar til að styðja við fræðslu í skólanum lúta fyrst og fremst að
kristinfræði og stuðningi við kennara í þeim fræðum. Kirkjan getur þó stutt skólann í því
að hjálpa nemendum að glíma við tilvistarspumingar. Hluti þeirrar glímu er að temja
nemendum umburðarlyndi gagnvart þeim sem eru öðru vísi í hátt og hugsun. Þá hefur í
8 1. er. Meginmarkmið Starfsmannastefnu Þjóðkirkjunnar. Tók gildi 1. jan. 2003
53