Glóðafeykir - 01.04.1989, Qupperneq 62

60
GLÓÐAFEYKIR
Garðar Björnsson var meðalmaður á hæð, þrekvaxinn, vel á sig
kominn á allan hátt og hraustmenni mikið; fríður og sléttfarinn í
andliti, fölleitur, athugull og stillilegur á svip. Hann var greindur vel,
las mikið er tómstundir gáfust, fylgdist vel með í stjórnmálum,
innlendum jafnt sem erlendum. ,,Hann var hægur í framgöngu og
glaður hversdagslega, en skapmaður og þungur á bárunni, ef því var
að skipta, einarður og hreinskiptinn, en lundin viðkvæm undir niðri og
eigi bar hann tilfinningar sínar utan á sér”. Garðar var náttúrubarn.
Ef til vill voru það hans mestu yndisstundir, „ er hann hélt á vit fjalla
og dala með hest sinn og hund”.
(Heimildarm. Stgr. Vilhj.).
Jórunn Hannesdóttir, fyrrum húsfreyja á Sauðárkróki, lést 9. mars
1978.
Hún var fædd á Skíðastöðum á Neðribyggð 3. okt. 1894, dóttir
Hannesar bónda þar Péturssonar í Valadal og konu hans Ingibjargar
Jónsdóttur frá Þóreyjarnúpi, sjá þátt af Jóni
Sigfússyni í Glóðaf. 10, bls. 73. Var Jórunn
alsystir þeirra bræðra, Péturs, síðast
póstmeistara og Pálma rektors.
Jórunn ólst upp í foreldragarði, en missti
föður sinn barn að aldri aldamótaárið, var
síðan mest með móður sinni og síðar
stjúpföður, Gísla Björnssyni, heima þar á
Skíðastöðum. A unglingsárum fór hún til
náms í unglingaskóla á Sauðárkróki og var
þá hjá Pálma kaupmanni Péturssyni,
föðurbróður sínum og konu hans Helgu
Guðjónsdóttur, miklu myndarheimili. Einn
eða tvo vetur hina næstu var hún í Reykjavík
við tungumálanám. Þá var hún við
farkennslu í Vesturhópi og dvaldist á
Breiðabólstað hjá Herdísi föðursystur sinni
Pétursdóttur og eiginmanni hennar sr. Hálfdáni, síðar vígslubiskupi á
Sauðárkróki, Guðjónssyni.
Tæplega tvítug að aldri, hinn 17. júní 1914, giftist Jórunn Jóni
Sigfússyni prests á Mælifelli Jónssonar og konu hans Petreu
Jórunn
Hannesdóttir