Skírnir - 01.09.1997, Blaðsíða 154
428
HJÖRDÍS BJÖRK HÁKONARDÓTTIR
SKÍRNIR
tuttugustu aldar hugsun og snýr að stjórnun samfélagsins, hvern-
ig gæðunum er skipt og verkefnum er forgangsraðað og lýtur því
að þeirri pólitísku ábyrgð sem fylgir umboði þegnanna til ríkis-
valdsins. Alþjóðasamningar um félagsleg og menningarleg
réttindi, og staðfesting þeirra og löggilding, marka þeim sess í
samfélagi þjóðanna og í einstökum samfélögum eftir atvikum í
samræmi við orðalag og túlkun ákvæðanna. Það er hins vegar
umdeilanlegt hvort réttindi í þessum þriðja flokki séu mannrétt-
indi. Vissulega er fjárhagslegt öryggi og menntun grundvöllur
mannlegrar hagsældar, en hér er ekki um einstaklingsréttindi að
ræða, þ.e. siðferðileg réttindi eins og mannréttindi, heldur
hópréttindi, jafnvel þjóðréttindi eða lýðræðisleg réttindi. Þetta er
krafa um að stjórnvöld haldi þannig um taumana að samfélagið sé
svo gott sem verða má. Þjóðir eru misríkar, landgæði eru ólík,
reynsla stjórnenda misgömul, hefðir eru ólíkar og allt þetta hefur
áhrif á gæði samfélagsins. Það er fullkomlega eðlilegt að tala um
að Kínverji og Islendingur hafi sama rétt til að vera ekki pyntað-
ur, en það er ekki hægt að segja að stjórnvöldum á Islandi og í
Kína sé skylt að sjá til þess að allir þegnar þessara landa fái til
dæmis sambærilega menntun eða allir búi við sambærileg kjör.
Með öðrum orðum er eðlilegt að tala um að samfélagsleg réttindi
séu afstæð, en það er ekki eðlilegt að taka þannig til orða þegar
mannréttindi, siðferðileg réttindi, eiga í hlut.
Réttarheimspekingurinn Ronald Dworkin skýrir þennan mun
vel í kenningu sinni um meginreglur og stefnumörk í stjórnmál-
um.10 Stefnumörk í stjórnmálum varða löggjafarviljann, hvernig
viljum við hafa þjóðfélagið, viljum við hafa velferðarkerfi, góðar
samgöngur, verkfallsrétt? A því sviði er deilt um leiðir og aðferð-
ir, um tímamörk o.s.frv. og þar getur það átt við að segja að þjóð-
félagshópar takist á um hagsmuni og að þrýstihópar hafi veruleg
áhrif, vegna þess að hér er ekki um siðferðileg réttindi að ræða.
Meginreglur, hins vegar, varða siðferðileg réttindi, hafa sjálfstæða
tilvist og eru bindandi. Það eru meginreglurnar sem varða eigin-
leg mannréttindi, eða siðferðileg réttindi einstaklinga eins og
10 Ronald Dworkin, Taking Rights Seriously, Harvard 1977, bls. 22 o. áfr.
Dworkin notar hugtökin principles og policies.