Múlaþing: byggðasögurit Austurlands - 01.01.1994, Síða 24

22
MÚLAÞING
Askur. Mynd Þjóðms. Isl. Pétur Brynjólfsson.
Vorið eftir fluttu þau í húsið Glasgow og fengu þar rýmra húsnæði.
Þar fæddust fyrstu börn þeirra. Þá fluttu þau í Grjótagötu 7 (?) og bjuggu
þar til 1902. Þá réðst Stefán í að kaupa stórt hús á tveimur hæðum, ef-
laust mest fyrir lánsfé. Hann keypti það af Einari Gunnarssyni bygging-
armeistara, sem hafði byggt það. Þarna bjuggu þau hjónin ævilangt og
geymir þetta hús mikla sögu. Enn býr þar Unnur dóttir þeirra 1980.
í Grjótagötu 4 hafði Stefán vinnustofu í kjallara hússins. Þar kenndi
hann nemendum sínum myndskurð og hafði þar einnig teikniskóla. Hús-
ið var stórt og rúmgott og kom það sér vel eftir því sem börnunum fjölg-
aði.
Þau Sigrún og Stefán eignuðust alls 11 börn og komust 9 þeirra til
fullorðinsára. Það var því marga munna að metta á þessu fjölmenna
heimili. Nemendur Stefáns í tréskurði bjuggu þar flestir líka og höfðu
þar fæði. Ríkarður Jónsson skýrir svo frá, að hann hefði þar frítt fæði og
húsnæði þau þrjú ár sem hann var nemandi Stefáns.
Hófst nú hið margþætta ævistarf Stefáns. Má segja að það skiptist í
þrennt: í fyrsta lagi myndskurður á ýmsum gripum, sem hann tók að sér