Múlaþing: byggðasögurit Austurlands - 01.01.1994, Page 65

MÚLAÞING
63
eitt af grasi í döpum og dældum. Skriðuvatn er uppistaða innan við
Haugahólana. Fram undan Haugahólum streymir Haugakvísl fram með
jöfnu rennsli árið um kring. Vatnið er einstaklega hreint og svalandi og
hafa sumir vegfarendur drukkið af því sér til heilsubótar.
Það má virðast undarlegt að Auðunn og Katinka undu aðeins eitt ár í
Haugum. Vorið 1911 yfirgáfu þau Skriðdal að fullu og öllu og fluttust
aftur í Víðines á Fossárdal. Guðmundur elsti sonur þeirra varð eftir um
sinn í Haugum. Obyggðimar virðast hafa kallað jafnt á þá frændur, Auð-
unn og Sigfús Jónsson móðurbróður hans, því hvor fyrir sig bjuggu þeir
á þremur innstu jörðum til afdala. Auðunn og Katinka voru fáein ár í
Víðinesi en lluttu árið 1914 eða 1915 að Krosshjáleigu á Berufjarðar-
strönd. Var það nýtt í búskap þeirra að vera allt í einu komin í miðja
sveit og að sjó. Býlið var eitt af mörgum, sem byggðust í landi jarðar-
innar Kross. Stuðst var við sjávarfang samhliða búskap en allgott var að
róa þaðan. Nú munu vera talin þar allgóð skilyrði til kúabúskapar. En á
ofanverðri 19. öld varð þarna þröngt í högum og heldur óhægt um vik til
sauðfjárræktar.
Ekki undu þau Auðunn og Katinka mörg ár í Krosshjáleigu en fluttu
að Árnastöðum í Breiðdal vorið 1918. Þar byggði Auðunn lítið íbúðar-
hús úr auðn á gamalli hjáleigu frá Heydölum. Engjar voru þarna allgóð-
ar á Árnastaðamýrum. Þau urðu einu ábúendur Árnastaða á 20. öld. Og
enn fluttust þau búferlum og það svo um munaði. Vorið 1920 fluttu þau
í Seldal í Norðfirði og voru þar í tvö ár. Þetta vor lést bóndinn í Seldal
og virðast Auðunn og Katinka hafa farið þangað til að aðstoða ekkjuna.
Bærinn er sá eini í dalnum og blasir við af Oddsskarðsvegi á leið upp frá
Norðfjarðarsveit. Er þetta í fullu samræmi við staðsetningu flestra jarða,
sem Auðunn og Katinka voru á. Og enn fluttust þau á jörð með svipaða
aðstöðu. Þar hefur allt verið í eyði rúma fjóra áratugi og ekki vegarsam-
band. Þau voru sem sagt eitt ár í Hellisfirði, sem taldist góð jörð til bú-
skapar áður fyrri en undirlendi er lítið og brött fjöll báðum megin fjarðar
og dals. Vorið 1923 fluttust þau aftur að Krosshjáleigu á Berufjarðar-
strönd. Ekki höfðu þau verið þar nema sex vikur, þegar Auðunn lagði
upp í hinstu för er hann lést þar úr lungnabólgu.
Karólína dóttir þeirra og Aðalsteinn Pálsson maður hennar bjuggu þá í
Krosshjáleigu. Vorið eftir fluttust þau að Svalbarði við Djúpavog og
Katinka með þeim. Dvaldist hún þar til 1929 er hún fluttist til Guðrúnar
dóttur sinnar á Stöðvarfirði. Var hún að mestu hjá henni til 1941 er hún
fluttist aftur til Karólínu og þar lést hún ári síðar.
Börn Auðuns og Katinku verða hér talin. Guðmundur Grönvold fædd-