Múlaþing: byggðasögurit Austurlands - 01.01.1994, Page 81
MÚLAÞING
79
Austurhlið frammihússins á Kóreksstöðum með jámklæðningu og torf-grjótvegg
sem ber í samkomuhúsið. Það var járnklœtt timburhús byggt 1901 (5x8m), einn
salur allt inn af útitröppum. Það sést skár á myndinni með gráa klárnum. A sam-
komum var dansað og skemmtiefni flutt í húsinu, en veitingar framreiddar í stofu
í frammihúsinu. Samkomuhúsið mun vera hið elsta á Héraði. Bindindisféiag
byggði það og gaf hreppnum.
Einar lögreglumann, Óskar bókmenntafræðing, er lést á miðjum aldri,
og Þór lækni í Reykjavík.
Ég fór í heimsókn í Kóreksstaðagerði og naut þar mikillar gestrisni og
góðgerða.
Næsta dag þingaði ég í Tunguhreppi á þingstað hreppsins að Kirkjubæ
sem var prestsetur í Hróarstungu. Hefðbundin mál voru tekin fyrir eins
og venja var og ég minnist ekki þeirra er sóttu þingið að undanteknum
mínum gamla prófdómara frá árum mínum á Eiðaskóla, Björns Halls-
sonar frá Rangá.
Björn á Rangá var eftirminnilegur maður. Hann kom mér fyrir sjónir
sem afar geðþekkur maður, vel á sig kominn og vel gefinn, fróður og til
forustu fallinn og mikið prúðmenni, að því er mér virtist. Hann var
gagnfræðingur frá Akureyrarskóla og ég man eftir mynd af honum á
skólaspjaldi, sent lengi hefur prýtt ganga Menntaskólans á Akureyri.
Sonur Björns á Rangá, er Björn hét, var á Eiðaskóla með mér árið 1933.
Sá piltur var fríður sínum og hörku námsmaður. Hann var berklaveikur
og haltur af þeim sökum. Hann dó ungur og féll þar frá rnikið manns-
efni, að því er ég held.
Tveim dögum síðar var manntalsþing haldið á Valþjófsstað í Fljóts-
dalshreppi. Nóttina þar á undan naut ég gistingar hjá hreppstjóranum,
Vigfúsi G. Þormar í Geitagerði. Þá hafði unnusta mín Sigríður Ingimars-