Múlaþing: byggðasögurit Austurlands - 01.01.1994, Qupperneq 189

MÚLAÞING
187
Séð frá hlaðvarpa Úlfsstaða út að Klyppsstað. Stakkahlíð nálœgt miðri mynd.
Mynd: Auðun Einarsson.
niður af Hjálmardal til sævar. Aðalbyggðin er norðan Fjarðarár, og er nú
ekki úr vegi að bregða sér á þessa tíu bæi. Innstu bæirnir í firðinum eru
Bárðarstaðir og Árnastaðir sinn hvorum megin Fjarðarár. Á Bárðarstöð-
um búa hjón við aldur, bæði úr Borgarfirði, Ögmundur Jónsson og
Sigríður Guðmundsdóttir, en á öðru búi Bjarni Jónsson og Una Einars-
dóttir af Héraði bæði. Þau koma síðar við sögu. Tvíbýli er á Árnastöðum
með um 10 manns alls og Árnastaðir fjallabýli heldur í rýrara lagi. Þar
voru enn torfhús ein þegar jörðin fór í eyði 1940. Á Sævarenda er ein-
býli, húsbóndi Þórður Jónsson og María Guttormsdóttir kona hans, en á
Hjálmarströnd hjón með þrjú börn, Sveinn Jónsson og Hólmfríður
Sveinsdóttir. Sveinn þótti góður rokkasmiður. Hjálmarströnd var rýrðar-
kot og fór í eyði 1903 endanlega. Ystir bæja norðan fjarðar voru Nes og
Neshjáleiga. Skammt utan við hjáleiguna eru Nesflug og ná frá sjó til
fjallabrúna. Hægt er að þræða tæpar rákir hátt frá sjó út á Innri-Álftavík,
mjótt graslendi undir klettaflugum. Þar hefur aldrei verið búið svo að
kunnugt sé, en gott þótti að reka eða ferja fé þangað á vorin. Þar var tíð-
um autt og þurrt þótt snjór lægi yfir landi heima við. Önnur flug eru utan
við þessa Álftavík og heitir þar Stigahlíð. Hægt er að komast yfir þau
eftir klettarákum út á Ytri-Álftavík sem heyrði undir Borgarfjarðar-
hrepp. Þar vai sjóarkot með lítilli grasnyt en góðri bátahöfn náttúrlegri,