Múlaþing: byggðasögurit Austurlands - 01.01.2001, Síða 111

Hreindýraveiðar
Hrafnkelsdœlingarnir Páll Gíslason á Aðalbóli og Aðalsteinn Jónsson á Vaðbrekku, faðir greinarhöf-
undar.
Páli hafði farið yfir tarfinn sem hann skaut
á og í hausinn á belju sem auðvitað steinlá,
en þær máttum við alls ekki skjóta. Nú fóru
dýrin á austurbrún öldunnar og ég fór á eftir
þeim og skaut þar ennþá á tarfana, en nú
gætti ég mín ekki og færið var of langt og
ég særði tvo tarfa. Dýrahópurinn hélt til
suðurs í stefnu á innri enda Þrælaháls.
Skammt sunnan Grjótöldu náði ég öðrum
tarfinum en hinum stutt vestur af Þræla-
hálsi. Eg fló og gerði til þessa tvo tarfa og
var orðið dimmt þegar það var búið. Hélt ég
síðan þangað sem við höfðum skilið eftir
föggurnar, var Páll þá kominn þangað og
byrjaður að tjalda og var búinn að flá og
gera til fjögur dýrin sem við höfðum skotið
á Grjótöldunni. Nú var lokið við að tjalda,
tekið upp nesti, kaffi hitað á prímus sem á
þeim árum var oftast með í fjallaferðum.
Sváfum við vel þessa dimmu og rólegu
haustnótt, við hjalið í fjallalæknum sem
rann rétt hjá tjaldinu.
Næsti dagur var tekinn snemma en það
var venja þegar legið var í tjaldi eða kofa
við veiðar eða fjárleitir að vera á fótum um
sexleytið á morgnana. Við hituðum kaffi og
átum fyrir komandi sulti því ekki bárum við
með okkur nesti á veiðunum. Við sáum
hreindýrahóp strax þegar við komum upp á
næsta mel við tjaldið. Það var mun stærri
hópur en sá sem við skutum úr daginn áður.
Þarna var nóg af stórum lörfum en við
áttum eftir að ná þremur því við höfðum
leyfi fyrir 10 törfum en urðum að telja kúna
með þó okkur þætti það lélegt búsílag
miðað við tarfana. Þessi dýrahópur var um
það bil miðja vegu milli Grjótöldu og
Þrælaháls. Við skildum stóra riffilinn eftir
við tjaldið, höfðum fengið nóg af honum
daginn áður og vorum því aðeins með 22
cal. riffilinn minn. Það var dálítið erfiðara
að komast að þessum dýrum en þeim sem
við vorum í daginn áður vegna þess hve
landið þarna er flatt og skomingalítið. Við
109