Ægir - 01.07.2016, Side 50

50
Eins og allir vita hefur Simrad verið leiðandi í þróun á búnaði fyrir fisk-veiðar og hafrannsóknir um langt
árabil og þekkja allir íslenskir skipstjórnar-
menn þetta norska merki að góðu einu. Á
síðasta ári tók fyrirtækið Simberg við um-
boði fyrir Simrad Konsgberg og Kongsberg
Automation hér á landi og annast það sölu
og alla þjónustu á tækjum frá þeim.
Simberg er til húsa í Askalind 2 í Kópa-
vogi og þar starfa 6 manns sem hafa langa
reynslu af alhliða þjónustu á siglinga-, fjar-
skipta- og fiskileitartækjum ásamt sjálf-
virknibúnaði í vinnslu og vélarrúmi. Eig-
endur Simbergs eru Valdimar Einisson
framkvæmdastjóri og Þorsteinn Kristvins-
son ásamt mökum. Við tókum fram-
kvæmdastjórann tali en hann hefur starfað
á þessu sviði í þrjá áratugi hjá fyrrum um-
boðsaðila Simrad hér á landi.
Margt nýtt frá Simrad
„Það stefnir allt í stóra og yfirgripsmikla
sýningu í Laugardalshöll og við munum
þar kynna ýmsar nýjungar sem Simrad
hefur verið að þróa að undanförnu. Okkar
starfsmenn eru þar til þjónustu reiðubúnir
en að auki verða menn frá Simrad og
Kongsberg sem leitast með okkur við að
svara öllum spurningum sem upp koma og
kynna þær frábæru nýjungar sem þar eru
sýndar,“ segir Valdimar í samtali.
 Ný útgáfa af ES80
Valdimar segir að meðal þess sem verði
kynnt á sýningunni sé ný útgáfa af
dýptarmælinum ES80 en það er mjög
þróaður mælir með margvíslega eigin-
leika. Einkenni hans er há upplausn og
mikil nákvæmni. „Þessi mælir er með
mikla þysjunarmöguleika með lífmassa
upplýsingum, hann er m.a. með sjálf-
virka fjarlægðar- og lengdarstjórnun og
gengur bæði við composit og hefð-
bundið botnstykki.“
 SN90 – dýptarmælir og sónar
Valdimar nefnir líka SN90 sónarinn
sem er sá nýjasti frá Simrad en hann
verður kynntur á sýningunni. „Þetta er í
senn dýptarmælir og sónar með afar
breytt tíðnisvið og stærðargreiningu
sem hentar mjög vel við bæði
uppsjávar- og botnfiskveiðar. SN90 er
mjög öflugt tæki til að greina og sjá fisk
fram fyrir skip og hentar því togurum
mjög vel. Botnstykkið innheldur 256
element, tíðnisvið er 70-120 kHz
(chirp), 160° geiri í láréttu plani, 60°
sneiðmynd og geisla sem notaður er til
að stærðargreina lóð. Tækið er með
innbyggða stöðuleikaskynjun.“
 SU90 lágtíðnisónar
„Þá munum við einnig kynna SU90
sónarinn sem er sá nýjasti í lágtíðnisón-
urum frá Simrad. Hann er í grunninn
eins og SX90 nema að búið er að fjölga
augum í botnstykki, sendum og mót-
tökurum um 50%. Það gerir þennan
lágtíðnisónar þann langdrægasta, með
minnstu geislabreiddina og bestu að-
greininguna í sínum flokki á markaðn-
um í dag. Við höfum þegar sett þennan
sónar um borð í nokkur íslensk skip,
m.a. Aðalsteinn Jónsson SU, Venus NS,
Víking AK, Beiti NK og Kristinu EA,“
segir Valdimar.“
 SC90 – nýr millitíðnisónar
Á sýningunni mun Simberg líka kynna
nýjan millitíðnisónar sem kallast SC90.
Þessi er sá fyrsti sem kemur með
composite botnstykki, hann er næmari
en menn hafa séð áður og hefur meiri
langdrægni en fyrri millitíðnisónarar á
markaðnum.
 FM90 fjölgeisla trollsónar
Simrad hefur verið lengi á markaðnum
með skanning höfuðlínusónar og verið
mjög stór á þessum markaði en nú hef-
ur fyrirtækið þróað nýjan fjölgeisla höf-
uðlínusónar sem kallast FM90. „Við
smíði á þessu frábæra tæki var stuðst
við langa reynslu og þekkingu af botn-
stykkjum og rafeindatækni sem notuð
er við erfiðar aðstæður á miklu dýpi.
Hann er með fjölgeisla botnstykki sem
sýnir allt op trollsins og innkomu á fiski
í einni sendingu. Það tekur ekki nema
sekúndu að uppfæra myndina og són-
arinn tekur á móti upplýsingum frá öll-
um helstu nemum í PI og PX kerfunum
svo sem aflanemum, hita- og dýpis-
nemum, afstöðunemum o.fl.“
Valdimar Einisson, framkvæmdastjóri Simberg býður alla velkomna í
Simrad básinn á Sjávarútvegssýningunni 2016.