Ægir - 01.07.2016, Síða 68

68
KN Vélsmiðja á Kársnesbraut í Kópa-vogi hefur verið starfandi í um þrjá áratugi. Fyrirtækið hefur veitt fyrir-
tækjum í sjávarútvegi sérhæfða þjónustu
af margvíslegu tagi. Það er þekkt fyrir
smíði á flapastýrum sem eru í flestum
hraðfiskibátum sem framleiddir eru hér á
landi.
Eykur beygjugetuna til muna
Allir bátar sem fyrirtækið Trefjar smíðar
eru með flapastýri frá KN Vélsmiðju. Krist-
inn Nikulásson, járnsmiður og eigandi KN
Vélsmiðju, var fyrstur manna til að setja
stýri af þessu tagi á hraðbát. Um er að
ræða stýri með blað fyrir aftan aðalblaðið
sem eykur til muna beygjugetuna. Kristinn
hefur smíðað flapastýri í yfir 20 ár og hef-
ur ekki tölu á fjölda þeirra sem hann hefur
smíðað. Heilmikil framleiðsla er á hverju
ári hjá stórum bátaframleiðendum á borð
við Trefjar. Þeim hefur þó fækkað á síðustu
árum því nú eru fiskibátarnir yfirleitt
orðnir mun stærri.
Sleppibúnaður fyrir 100 manna
báta
KN Vélsmiðja smíðar einnig sleppibúnað
fyrir björgunarbáta. Í sumar var smíðaður
sleppibúnaður undir stærstu björgunar-
báta sem hafa verið keyptir til landsins og
eru með rými fyrir 100 manns. Fram til
þessa hafa stærstu ferjur hérlendis verið
með 50 manna björgunarbáta. KN Vél-
smiðja þurfti því að aðlaga hönnunin að
stærri bátum. Meðal viðskiptavina eru út-
gerðir hvalaskoðunarbáta sem er floti sem
stækkar með hverju árinu.
„Búnaðurinn var í upphafi hannaður
fyrir 25 manna báta eins og voru á flestum
skipum. En þessir 100 manna bátar eru í
hylki sem vegur ein 540 kg. Tveir rammar
voru í skipinu og í öðrum þeirra voru tveir
bátar. Samtals var það því björgunarbún-
aður sem vó langt yfir eitt tonn sem sleppa
þarf í sjóinn.“
Í reglugerð segir að björgunarbátum
eigi að vera hægt að sleppa í sjóinn með
einu handtaki. Búnaðurinn frá KN Vél-
smiðju uppfyllir þetta.
Netaborð og útflutningur
KN Vélsmiðja hefur einnig framleitt tals-
vert af netaborðum og er framleiðslan tals-
vert vaxandi. Þar er um að ræða netaspil
fyrir allar gerðir báta og upp í stór skip.
Spilin draga netin inn og skila þeim úr
skífunni inn á borð þar sem greitt er úr
þeim. Vaxandi útflutningur hefur verið á
netaborðunum og hefur KN Vélsmiðja selt
búnaðinn í gegnum Sjóvélar. Einnig hefur
verið útflutningur á honum til Noregs.
„Nokkur netaborð voru seld til Græn-
lands í haust og þetta er markaður sem
gæti verið að vaxa. Þetta er þekktur bún-
aður sem hefur þróast í gegnum tíðina. Ég
hef tekið þátt í þróun á þessum búnaði í
yfir 30 ár ásamt fleirum. En það eru ekki
margir núorðið að framleiða netaborð
nema KN Vélsmiðja. Ástæðan er sú að
markaðurinn fyrir þau eru ekki stór hér
innanlands eins og hann var áður þegar
allir bátar fóru á net. Nú eru flestir á línu-
veiðum,“ segir Kristinn.
KN vélsmiðja þekkt
fyrir flapastýrin
Kristinn Nikulásson, járnsmiður og eigandi KN Vélsmiðju.
Sjálfvirkur sleppibúnaður KN Vélsmiðju
fyrir 100 manna björgunarbát.
Framleiðsla netaborða hefur verið vax-
andi hjá KN Vélsmiðju.