Ægir - 01.07.2016, Side 94

94
Fjölskyldufyrirtækið Beitir í Vogun-um lætur kannski ekki mikið yfir sér en línuspil, beitingartrektir og ýmis
annar búnaður frá fyrirtækinu er í fjöl-
mörgum smábátum á Íslandi og fisk-
vinnsluhúsum víða um land. En það er
ekki allt. Beitir gerði „strandhögg“ í Noregi
fyrir nokkrum árum með góðum árangri
og seldi til dæmis í fyrra 56 línuspil í Nor-
egi auk fleiri búnaðar eins og spila til að
nota við gildruveiðar o.fl.
Byrjaði í bílskúrnum
„Þetta byrjaði upphaflega 1987 heima í bíl-
skúr með smíði beitningartrektar. Fyrstu
13 árin var maður bara í skúrnum og var
mikið að vinna í bátunum líka. Svo þróast
þetta þannig að maður fer yfir í þessa
beitningarhluti alla og línuspil upp úr
1990. Við flytjum svo hingað í Jónsvörina
árið 2000. Þá vorum við komin með meiri
vaxtarmöguleika og gátum ráðið meiri
mannskap og höfum síðan verið að jafnaði
sex hér í vinnu. Svo fórum við að sinna
fjölþættari verkefnum eins og smíði fyrir
fiskvinnsluna og stærri báta, eins og slæg-
ingarbúnað og þess háttar,“ segir Haf-
steinn Ólafsson, sem á og rekur Beiti ásamt
eiginkonu sinni Þóru Bragadóttur. Haf-
steinn er í hönnun og smíði en Þóra sér um
bókhaldið og heldur utan um reksturinn.
Upphaflega einbeittu þau sér að ís-
lenska markaðnum með örri fjölgun smá-
báta á línuveiðum. Þegar nýsmíði smá-
bátanna hér dróst mikið saman var farið í
útrás.
Sölufyrirtæki í Noregi
„Við fórum á sínum tíma inn á norska
markaðinn, þegar færi gafst þar og hægð-
ist að sama skapi um hér. Við stofnuðum
fyrirtækið Beitir Norge sem sér um okkar
sölumál í Noregi. Við áttuðum okkur á því
að allt of dýrt væri að hafa umboðsmann
þar auk þess sem þeir eru misjafnir að
gæðum og upplagi. Þetta var langbesta
lausnin þannig að kúnninn gæti bara feng-
ið vöruna beint án þess að leysa út úr tolli
og þessháttar og við erum með lager í
Norður-Noregi. Við bjuggum svo vel að
yngsta dóttir okkar er lögfræðingur og býr
í Osló og sér hún um daglegan rekstur í
fyrirtækinu úti.“
Hafsteinn segir að allt sem frá Beiti fer
sé smíðað í Vogunum. „Við fáum reyndar
skífurnar steyptar í Danmörku og mótor-
arnir koma frá Þýskalandi. Þetta eru línu-
spil, færaspil og fleira og svo erum við með
sérbúnað fyrir Noreg, kapalspil fyrir
gildruveiðar, en þeir eru að fiska kónga-
krabba og fisk sem er kallaður leppefisk.
Hann er notaður til að éta lús af laxi í eld-
iskvíum.“
Hafsteinn segir að norski markaðurinn
sé stærsta númer Beitis í dag en þar sé
gríðarlegur fjöldi af minni bátum. „Þeir
hafa vanrækt línuveiðar almennt í mjög
mörg ár og hafa þurft á endurnýjun og
uppbyggingu að halda. Hér áður fyrr
veiddu þeir mikið á línu, en því var mikið
til hætt nema á mjög stórum bátum.“
Viðhald og nýsmíði hér heima
Markaðurinn á Íslandi er orðinn mjög tak-
markaður því minna er um nýsmíði
smærri báta. Hafsteinn segir að verkefnin
séu þó af ýmsu tagi. „Þetta er orðið meira
viðhald og varahlutir sem við seljum hér
heima en engu að síður þó nokkuð í því að
gera. Við höfum snúið okkur meira að
stærri útgerðum og erum núna að smíða
fyrir HB Granda á Vopnafirði, þar sem þeir
eru að hefja bolfiskvinnslu. Við erum að
smíða fyrir þá afísunarkör og tengdan
búnað og eins fyrir Loðnuvinnsluna á Fá-
skrúðsfirði. Við smíðuðum mikið í upp-
sjávarlínunni hjá þeim. Það var stórt og
mikið verkefni fyrir ekki stærra fyrirtæki
en okkar.“
beitir.is
Noregur stærsti
markaðurinn hjá Beiti
Hafsteinn Ólafsson á og rekur Beiti ásamt eiginkonu sinni, Þóru Bragadóttur.