Ægir - 01.07.2016, Qupperneq 160

160
Á sýningunni í Laugardalshöll ætlum við að frumsýna hér á landi nýja roðdráttarvél frá Curio en sú fyrsta
þessarar tegundar fór inn í vinnslu í vor. Í
hverri nýrri uppfærslu af vélum sem koma
frá okkur eru nýjungar og alltaf erum við
að keppast við að gera betur í bæði nýt-
ingu og líka hvað varðar endanlegt útlit á
flökum. Við finnum í vaxandi mæli fyrir
því að framleiðendur leggja upp úr því at-
riði, samfara aukinni áherslu á sölu á
ferskum afurðum,“ segir Elliði Hreinsson,
framkvæmdastjóri fiskvinnsluvélafram-
leiðandans Curio í Hafnarfirði.
Verkefnið að gera góðar vélar enn
betri
Curio framleiðir flökunarvélar, hausara,
roðflettivélar og brýningarvélar og er
vélbúnað fyrirtækisins að finna í
fiskvinnslum um allt land en
stærstur hluti framleiðsl-
unnar er þó seldur til
erlendra fiskvinnslna
og útgerða. Elliði segir
vöxt fyrirtækisins því að
stærstum hluta byggjast á erlendum
markaði þó vissulega sé alltaf nokkur
sala innanlands. Allra nýjustu vélar
Curio verður að finna í nýrri bolfisk-
vinnslu HB Granda á Vopnafirði sem
tekur til starfa síðar í haust.
Elliði segir Curio í stöðugri vöru-
þróun og tækniframfarir stöðugar.
„Verkefnið er alltaf að gera góðar vél-
ar enn betri og þá erum við að horfa
til margra þátta, bæði afkasta vélanna
og getu þeirra og nýtingu hráefnis
jafnframt því sem miklu máli skiptir
hvernig útlit vörunnar er þegar flökin
koma úr flökunarvélunum. Þetta er
þáttur sem enn meira er horft til með
aukinni vinnslu á ferskvörumarkaði,“
segir Elliði.
Breyting í aflameðhöndlun mikils
virði
„Ég sé gífurlega jákvæða og góða þróun
hjá útgerðarmönnum, þ.e. aukna vitund
um gildi hráefnisgæða strax úti á sjó. Þá er
ég að tala um blóðgun, kælingu, aflameð-
ferð og frágang. Þetta skilar sér beina leið
inn í vinnslurnar, hefur áhrif á þann ár-
angur sem við getum náð með okkar vél-
búnaði og á endanum verða til enn betri
afurðir og verðmætari. Mér finnst að á
fáum árum hafi orðið mikil breyting til
batnaðar í aflameðhöndlun sem skilar
betri árangri, hvort heldur við erum að tala
um frystingu afurða eða ferskfiskfram-
leiðsluna,“ segir Elliði og bætir við að ís-
lenskur sjávarútvegur hafi forskot hvað
þetta varðar í hvítfiskvinnslunni saman-
borið við það sem hann þekki til erlendis.
„Við höfum ennþá klárlega forskot
hvað hráefnismeðhöndlunina varðar og
víða eru menn að horfa til Íslendinga sem
fyrirmyndar í því hvernig þeir geti bætt sig
í hvítfiskvinnslunni,“ segir Elliði.
Ný roðflettivél
frumsýnd á Íslandi
Nýja roðdráttarvélin,
Curio C2031, verður til
sýnis á sýningunni í
Laugardalshöll.
curio.is