Skagfirðingabók - 01.01.2002, Blaðsíða 31

ATHAFNASKÁLD í SKAGAFIRÐI
þora að spá um hvort komist verði hjá gjaldþroti fyrirtækisins
og kröfurnar greiddar að fullu. Að lokum getur Hjálmar Theó-
dórsson þess að á Sauðárkróki sé „starfandi hraðfrystihús og
beinaverksmiða er nefnist Fiskiðjan, og eru eigendur þessa fyr-
irtækis Kaupfélag Skagfirðinga og Sauðárkróksbær. Fiskiðjan
getur tekið á móti og fullunnið togarafarm á 4 dögum sé unnið
á tveim vöktum. Oll þau ár sem Fiskiðjan hefur starfað, hefur
hún alltaf greitt starfsfólki sínu vikulega kaup samkvæmt gild-
andi lögum, og ætti herra Sigurður Sigfúson að hafa það til eft-
irbreytni í náinni framtíð."
Svo sem hér að framan er greint þóttu umrædd skrif Hjálm-
ars rituð af nokkurri hvatvísi og það svo að ýmsum þótti nóg
um. Allmörgum þótti lítils metið framlag Sigurðar til upp-
byggingar atvinnu og bættrar afkomu í bæ og héraði og töldu
lítinn drengskap að gera tímabundna erfiðleika hans í atvinnu-
rekstri að óvinafagnaði.
Sigurður Sigfússon var ekki í hópi þeirra sem finna sér hug-
fró í blaðaskrifum og mun hafa talið tíma sínum betur varið til
annarrar iðju. Grein Hjálmars varð honum þó efni til andsvars
sem birtist í Tímanum 30. janúar 1957. Þar rekur hann forsögu
þessara vinnudeilna og niðurstöðu með nokkuð öðrum hætti en
Hjálmar og ber grein Sigurðar því glöggt vitni að honum eru
stílvopn handbær þá er til þarf að taka.
I grein Sigurðar, sem ber heitið: „Teningakast Hjálmars
Theódórssonar á Sauðárkróki" og hefur að undirtitli: „Þakkir
og leiðréttingar", segir svo í upphafi:
„I septembermánuði 1956 kom að máli við mig háöldruð
kona hér á Sauðárkróki, Sigurlaug Jónasdóttir að nafni, og tjáði
mér, að hún ætti atvinnulausan son sem Hjálmar héti Theó-
dórsson. Hafi hann um nokkurra ára skeið unnið á Keflavíkur-
flugvelli, en nú verið sagt upp starfi. Segir gamla konan að sig
langi til að fá son sinn til sín og greiða götu hans, og spyr hvort
ég hafi ekki einhvern starfa handa Hjálmari". Síðan rekur Sig-
urður að hann hafi orðið við þessari beiðni gömlu konunnar og
29