Skagfirðingabók - 01.01.2002, Blaðsíða 102

SKAGFIRÐINGABÓK
sem öllum verslunarbrjótum bar samkvæmt lögum. Landslög
skipuðu einnig svo fyrir að skipbrotsmennirnir ættu að fara
utan í járnum og þræla á Brimarhólmi, en það var erfitt og
dýrt að koma þeim út. Skúli beiddist undan því við dönsk yfir-
völd að refsingunni yrði framfylgt, en án árangurs. Hann sat
því uppi með heila skipshöfn, en lét þá vinna fyrir mat sínum.
Þetta ár (1741) keypti Skúli Stóru-Akra í Blönduhlíð og á far-
dögum (um vorið) yfirgaf hann Gröf með timbur úr tveimur
duggum í farteskinu og halarófu af hollenskum föngum í eftir-
dragi. A Stóru-Okrum var skipaviðurinn og fangarnir nýttir til
þess að smíða rammbyggðan bæ sem var án efa reisulegasta hús
Skagafjarðar á þeim tíma. Sagt var að allir veggir í bænum hafi
verið troðnir með hollenskum stígvélahælum og svo vel var
vandað til verka, að bærinn eða hluti hans stendur enn uppi.
(Þetta var sama ár og Skúli gerðist ráðsmaður Hólastaðar og
svo vildi til að Þóroddur heyrari - sem Skúli lét reka frá Hól-
um — varð næsti ábúandi í Gröf). Lyktirnar á þessu máli urðu
þær að Skúli sleppti skipstjóranum eftir að ljóst varð að Danir
ætluðu ekki að gefa sig í þessu máli. Hann sendi síðan Jón
bróður sinn á laun til þess að hjálpa áhöfninni að strjúka og
komust þeir allir burt með öðrum duggum frá sinni heimaslóð.
Það er athyglisvert að maður sem seinna barðist svo ákaft á
móti dönsku einokuninni skyldi ganga svo hart fram gegn
verslunarbrotum. Skúla hefur líklega verið í mun að sanna sig
fyrir dönskum stjórnvöldum, en það hafði lengi angrað Dani
hversu mildilega íslenskir sýslumenn tóku á launverslun sem
virtist viðtekin venja á sumum landsvæðum. Brimarhólms-
dómurinn var líka að mörgu leyti táknrænn því Hollendingun-
um var þrátt fyrir allt leyft að sleppa frá öllu saman. En Skag-
firðingum fannst Skúli vera of óvæginn við duggarana sem þeir
hafa líklega margir átt persónulegan kaupskap við. Þeim þótti
ófært að fara svo illa með hrakta skipbrotsmenn og fullyrtu
ennfremur að sýslumaður hefði stungið undan mestu af varn-
ingnum. Ætlun hans hafi fyrst og fremst verið að auðga sjálfan
100