Morgunblaðið - 01.12.2017, Side 6

Heimatónleikar
Margir komast ekki í jólaskap nema þeir nái að skella sér á jóla-
tónleika. Þeir sem eru lítið gefnir fyrir hefðbundna jólatónleika geta
brugðið á leik og haldið gleðskap þar sem gestir geta spreytt sig á
jólakarókí. Þeir sem kunna á hljóðfæri geta jafnvel séð um undirleik
og spilað nokkur vel valin lög á meðan gestir hefja upp raust
sína.
Spilakvöld með fjölskyldunni
Flestir hafa gaman af því að taka í spil og því ekki vitlaust að kalla
stórfjölskylduna eða vini saman. Þá má auðvitað færa spilakvöldið
upp á næsta stig, klæðast ljótum jólapeysum upp á stemningu,
skella í sig heitu kakói og piparkökum, eða jólabjór ef stemning er
fyrir slíku.
Óhefðbundin jólamyndataka
Því ekki að skella í óhefðbundna jólamyndatöku fyrir jólakortin.
Ljótar jólapeysur standa alltaf fyrir sínu en gjarnan má færa glens-
ið upp á annað stig, til dæmis með því að pakka krökkunum inn í
skrautlegan jólapappír, hengja jólaseríu á ömmu eða hvað svo sem
fólki dettur í hug. Stórfjölskyldur og vinahópar geta einnig blásið til
keppni og veitt verðlaun fyrir skemmtilegustu jólamyndina.
Safnarölt
Það er notalegt, auk þess sem það nærir andann, að
skella sér á safnarölt. Á Íslandi má finna urmul af söfnum
sem ættu að höfða til allra. Sum söfn, til að mynda Árbæj-
arsafn og Þjóðminjasafn, setja einnig saman sérstaka
aðventudagskrá fyrir hátíðarnar.
Föndur
Flestum börnum þykir skemmti-
legt að föndra, og enn skemmti-
legra að skreyta með eigin
handverki. Það er því tilvalið að
nota það sem til fellur á heim-
ilinu til að búa til jólaskraut.
Klósettrúllur og könglar geta
til að mynda orðið prýðilegir jólasveinar og sultukrukkur geta fengið nýtt líf
sem kertastjakar.
Minningakrukka
Því ekki að búa til fallegar minningar og láta ástvini vita hversu mikilvægir
þeir eru. Það er fallegur siður að útbúa minninga- eða hróskrukku, þar sem
fjölskyldumeðlimir skrifa fallega athugasemd, minningu eða hrós, fyrir aðra
meðlimi. Fjölskyldan les síðan orðsendingarnar í sameiningu.
Smákökubakstur
Hjá sumum koma jólin einfaldlega ekki nema búið sé að skella í nokkrar
sortir. Í dag má auðveldlega stytta sér leið og notast við tilbúið kökudeig sem
fæst í flestum verslunum. Einnig hafa börn gaman af því að skreyta pip-
arkökur, sem auðvitað má kaupa tilbúnar. Þá vilja sumir frekar útbúa góm-
sætt konfekt sem einnig er tilvalið til gjafa.
Laufabrauð
Það er góð skemmtun að skera út laufabrauð, og
jafnvel enn skemmtilegra að borða afraksturinn. Marg-
ir hafa það fyrir hefð að hittast á aðventunni og útbúa
girnilegt og gómsætt laufabrauð sem síðan er borið fram
með jólasteikinni.
Upplestrarkvöld
Fyrir jólin keppast rithöfundar við að lesa
upp úr nýútkomnum verkum sínum. Hvað
er huggulegra en að setjast niður eftir
annasaman dag og láta lesa fyrir sig
upp úr góðri bók.
Skautaferð
Að renna sér á skautum í
skammdeginu er klassík sem
svíkur engan. Ef veður leyfir er
ekki verra að renna sér utan-
dyra. Þá er tilvalið að skottast á
kaffihús á eftir og sturta í sig
heitum vetrardrykk til að ylja sér.
Ekki gleyma gamninu á aðventunni
Aðventan á að vera ljúf og skemmtileg, en ekki undirlögð af streitu og önnum. Auðvitað þarf ýmislegt að græja og gera en fólk
ætti þó að reyna að gleyma sér ekki í lífsgæðakapphlaupinu. Aðventan er nefnilega til þess að njóta.
Ellen Ragnarsdóttir | ellen@mbl.is
Getty Images
Getty ImagesGetty Images Morgunblaðið/Skapti Hallgríms
Væri ekki tilvalið
að skella sér í
jólakaríókí á að-
ventunnni?
Því ekki að hressa svolítið upp á
hina árlegu jólamyndatöku? Jóla-
seríur geta til að mynda sett
skemmtilegan svip.
Smáfólkið hefur gaman af
því að skreyta piparkökur.
Mörgum þykir laufabrauð ómissandi með jólamatn-
um. Það er einnig mikil stemning að skera það út.
Skautaferð er klassísk leið til
að koma sér í jólagírinn.
Getty Images
6 Jólablað Morgunblaðsins
Gamla, góða súkkulaðidagatalið stendur allt-
af fyrir sínu enda ekki amalegt að hefja dag-
inn á sætum mola. Ekki eru þó allir hrifnir af
því að byrja daginn á því að fóðra börnin sín
með súkkulaði, og hafa samverudagatöl því
verið að sækja í sig veðrið að undanförnu.
Auðvelt er að föndra samverudagatal,
sem er hefðbundið að því leyti að einn gluggi
er opnaður á degi hverjum. Eins og nafnið gef-
ur til kynna er þó ekki að finna sælgætismola í því,
heldur uppástungu að skemmtilegri sam-
verustund fyrir fjölskylduna.
Oft þarf ekki mikið til að gleðja krílin, til að
mynda getur föndur, heimsókn á bókasafnið,
sundferð, smákökubakstur, fjöruferð eða heim-
sókn til ömmu og afa slegið í gegn. Þá má einnig fara og
kaupa jólatré, henda upp jólaskreytingum, útbúa jólaárdeg-
isverð á náttfötunum, skreyta piparkökur, renna sér á sleða
eða spila. Í raun hvað svo sem fólki dettur í hug að gera. Getty Images
Margir vilja
síður að
börnin hefji
daginn á
sælgæti.
Samvera í staðinn
fyrir súkkulaði
Fallegt jóla-
dagatal er mikið
augnayndi.
Verið velkominá jóladagskráÁrbæjarsafnssunnudagana 3. 10. og 17. des.kl. 13–17 www.b
or
ga
rs
og
us
af
n.
is