Morgunblaðið - 01.12.2017, Síða 100

100 Jólablað Morgunblaðsins
Piparkökur
sem skraut
Bakaðu piparkökur og
skreyttu þær. Gættu
þess vel að það sé gat í
piparkökunum svo þú
getir þrætt þær upp á
band og notað sem
skraut. Svo eru hort-
ensíur í glösum til
skrauts sem búið er að
pakka inn í maskínu-
pappír. Það þarf alls
ekki að vera dýrt.
Svart jólaborð
Kauptu svört kerti og settu á jóla-
borðið. Í miðjuna er greni komið fyr-
ir og svo er skreytt með pipar-
kökum. Þetta kallar ekki á flókið
stell eða einhver flottheit heldur má
leika sér með hjartalaga pipar-
kökur, köngla og greni.
Heimagerður
aðventukrans
Áttu hringlaga bakka? Dragðu hann
fram. Settu fjögur frekar mjó kerti á
hann og skreyttu í kring með grein-
um úr garðinum og könglum. Ef þú
ert með silfurlitað glimmer við
höndina þá má sáldra smá af því
yfir. Bara svona upp á stemninguna.
Hengdu upp seríur
Jólaseríur eru snilld. Hengdu þær
upp á sem flesta staði. Hér er til
dæmis búið að skreyta reiðhjól sem
er í ganginum. Er það ekki eitthvað?
Kerti og hortensíur
Jólin kalla á kertaljós og kósíheit. Hér eru
hvít hefðbundin kerti í mismunandi kerta-
stjökum og nokkrar hortensíur í glærum
glösum. Þú getur skellt hortensíunum í glæru
glösin sem þú átt í eldhússkápnum því það er
alger óþarfi að kaupa ný bara fyrir þetta.
Þetta samspil blóma og kerta gerir hvert ein-
asta heimili fallegt og kósí.
Búðu til jólaævintýri
Áttu kúpul á fæti sem þú notar undir
eitthvað allt annað? Dragðu kúpul-
inn fram og settu mosa og gervi-
snjó inn í. Farðu svo inn í barna-
herbergi og reyndu að finna einhver
dýr sem hægt er að setja í þetta
jólalega og fallega umhverfi. Tveir
svona kúplar saman á hördúk gera
heimili þitt jólalegt og smart.
Skreyttu gluggana
Það prýðir heimilið yfirleitt, ef
gluggarnir eru þannig gerðir, að það
megi skreyta þá örlítið. Elsta trixið í
bókinni er að láta glæra jólaseríu í
gluggann og kveikja á. En svo má
líka föndra aðeins meira. Hringlaga
kransar skapa góða stemningu og
eru fallegir í gluggum. Hægt er að
útbúa slíka kransa á margan hátt.
Bæði er hægt að kaupa efnivið í
blómabúðum og klæða kransinn
með greni og svo er oft hægt að
finna efnivið í föndurverslunum. Hér
er svo fjórum jafnstórum kertum
komið fyrir í gluggakistunni. Þetta
er hægt að gera fyrir lítið.
Hengdu upp fána
Fánabönd bjóða upp á svo
mikla möguleika. Þau fást
á fjölmörgum stöðum eins
og Söstrene Grene. Próf-
aðu að hengja nokkur lög
af fánaböndum og sjáðu
hvort það verði ekki ennþá
flottara heima hjá þér.
Flöskur og greinar
Kauptu þér grænar vatnsflöskur og
settu nokkrar greinar í þær. Þetta
fegrar heimilið og gerir hlýlegt. Það
má líka nota glærar flöskur og
kannski er óþarfi að kaupa þær úti í
búð. Kannski áttu einhverjar flöskur
utan af djúsum sem hægt er að
nota, nú eða bara gamlar vínflöskur.
Svo þurfa flöskurnar ekkert að vera
nákvæmlega eins. Það má líka nota
gamla glæra blómavasa.
Nýttu það
sem þú átt!
Flest okkar eru þannig innréttuð að okkur
langar að gera pínulítið jólalegt í kringum
okkur þegar desember gengur í garð.
Ef þú ert komin/n með ógeð á öllu jóla-
skrautinu sem þú átt og langar að breyta
örlítið til þá eru nokkrar góðar hugmyndir
hér fyrir neðan. Og það góða við þessar
góðu hugmyndir er að þær eru alls ekki
kostnaðarsamar.
Marta María | martamaria@mbl.is