Morgunblaðið - 01.12.2017, Page 112

É g hef alltaf verið mikið jólabarn. Mamma lagðisig alla fram þegar ég var barn um að búa tilofsalega notalega jólastemningu með jóla-bakstri, föndri og samverustundum með okkursystkinunum, sem er ómetanlegt þannig aðjólabarnið í sjálfri mér er henni að þakka og
ég elska að jólast með mínum börnum,“ segir Birgitta sem á
góðar jólaminningar.
Þegar hún er spurð hvað henni finnist best við jólin nefn-
ir hún friðinn og jólaandann.
„Jólin virðast vera eini tími ársins þar sem fólk virkilega
nýtur þess að vera heima með fólkinu sínu og er ekki
stressað yfir að það sé að missa af einhverju,“ segir hún.
Birgitta lifir annasömu lífi og aðventan er engin undan-
tekning.
„Á aðventunni er ég oft mikið að vinna hvort sem það tengist
bókum eða tónlist. Ég reyni því að nýta allan tímann inn á milli í
að gera eitthvað skemmtilegt með börnunum mínum og mann-
inum. Við til dæmis bökum saman, föndrum, gerum jólakort,
sækjum jólatré, förum á jólatónleika, skerum laufabrauð og
bjóðum vinum í kakó og glögg.“
Í fyrra ákváðu Birgitta og eiginmaður hennar, Benedikt Ein-
arsson, að halda jólin á sínu eigin heimili – ekki í foreldra-
húsum.
„Ég ólst upp við að borða lambahamborgarhrygg en mað-
urinn minn rjúpur. Í fyrra hættum við að vera hjá foreldrum
okkar á aðfangadag og héldum jólin heima. Þá reyndum við að
blanda jólahefðum beggja fjölskyldna saman og gerðum rjúpu-
súpu, lambahamborgarhrygg og heimagerðan vanilluís með
fílakaramellusósu að ósk sonar okkar. Í ár hugsa ég að
við gerum aðra tilraun með rjúpuforréttinn,“ segir hún.
Aðspurð um jólagjafainnkaup segist Birgitta vera
snargeggjuð.
„Ég er auðvitað snargeggjuð þegar kemur að jólagjöf-
um og er oftar en ekki búin að kaupa og pakka þeim inn í
október og búin að skila mörgum af mér í nóvember. En mér
til varnar er stundum ansi mikið að gera í nóvember og desem-
ber þannig að þetta skipulag hentar mér best,“ segir hún.
Sendirðu jólakort?
„Mér finnst dásamlegt að fá jólakort og þessi hefð að vinir og
fjölskylda sendi hvert öðru bréfsnepil í pósti með fallegri
kveðju finnst mér ofsalega fallegur siður. Því höfum við haldið í
þá hefð að senda kort hvert ár og ætlum okkur að halda því
áfram,“ segir Birgitta.
Aðspurð hvað komi henni í jólaskap
játar hún að jólastress komi þar við
sögu.
„Jólastress myndi ég ekki kalla það
en kannski jólafiðring frekar. Það er
þá yfirleitt á Þorláksmessu þegar ég
fer yfir húsið, skúra og passa að ekk-
ert hafi gleymst í jólainnkaupunum.
Það hefur þó oft eitthvað gleymst en
jólin komið samt svo að það stress er
algjörlega til einskis.“
En hvað skyldi Birgittu langa í í
jólagjöf?
„Á hverju ári fæ ég þessa spurn-
ingu frá manninum mínum og fjöl-
skyldu og á aldrei svar. Auðvitað er
gaman að opna gjafir og geta flestir
verið sammála um það en mér finnst í
alvörunni jólakortin jafn skemmtileg
og gjafirnar. Falleg orð lifa lengur í hjartanu en skart eða skóp-
ar.“
Birgitta var að senda frá sér tvær bækur, Lára fer í sund og
Jól með Láru. Hún er því á fullu að kynna bækurnar í nóv-
ember og desember.
„Ég heimsæki bæði skóla og leikskóla og les fyrir börnin sem
og kíki í verslunarmiðstöðvarnar þegar nær dregur jólum,“
segir hún.
En hvenær gefur hún sér tíma til að skrifa?
„Þar sem mér finnst ótrúlega gefandi og gaman að skrifa fyr-
ir börn á ég það til nánast alltaf þegar róast hjá mér í vinnu að
setjast við skriftir. Þá sest ég gjarnan hér heima með kaffibolla
eða fer á kaffihús þegar mig vantar tilbreytingu. Ég er að
skrifa bækur fyrir börn sem eru á sama aldri og mín börn og
því tengist ég sögunum vel, sem ég held að sé mikill kostur fyrir
barnabókarithöfund og þær koma til mín auðveldlega í ró og
næði.“
Hvað einkennir góðar barnabækur?
„Það er svo margt. Það að höfundur leggi hjarta sitt og sál í
bókina gæðir bókina lífi og einlægni. En börnin eru auðvitað
eins misjöfn og þau eru mörg og bækurnar eftir því. Þegar
skrifað er fyrir ung börn hef ég fundið það í gegnum mín börn
að það er mikilvægt að bækurnar séu fallega myndskreyttar og
skrifaðar á góðri íslensku sem börnin skilja.“
Héldu sín
fyrstu jól
saman í fyrra
Birgitta Haukdal, söngkona og rithöfundur, er
mikið jólabarn. Hún skipuleggur tíma sinn vel og
segist oft vera búin að kaupa allar jólagjafir og
pakka þeim inn í október.
Marta María | martamaria@mbl.is
Morgunblaðið/Eggert
Desember
er anna-
samur
mánuður
hjá Birg-
ittu.
Í vetrarfíling með börnunum sínum.
„Ég reyni því að nýta allan
tímann inn á milli í að gera
eitthvað skemmtilegt með
börnunum mínum og manninum.“
❄
112 Jólablað Morgunblaðsins
Hallveigarstíg 10a • 101 Reykjavík
Sími 551 2112 • www.ungfruingoda.is
Dásamlega fallegar
vörur úr marmara
Hörðu pakkarnir
gerast ekki flottari!
Kr. 2.800
0
Kr. 9.900
Kr. 8.900
Kr. 25.90
Kr. 8.900
Kr. 9.900