Saga - 2010, Síða 152

í herstöðinni í keflavík í rúmt ár rétt fyrir 1960 og margsinnis flogið
yfir hálendi Íslands og þekkti því nokkuð til þess. Með hópnum
voru einnig íslensku jarðfræðingarnir Sigurður Þórarinsson og Guð -
mundur e. Sigvaldason.
Geimfararnir dvöldu hér á landi 11.–17. júlí, en 7. júlí höfðu
komið hingað þrír jarðfræðingar ásamt fulltrúa frá NASA til undir-
búnings. Flogið var til Akureyrar mánudaginn 12. júlí og farið það -
an beint upp að Dyngjufjöllum, dvalið þar allan þriðjudaginn og
fyrri hluta miðvikudagsins. komið var til baka á miðvikudagskvöld.
Gist var rétt við Drekagil þar sem tjaldað var á söndunum.17 Sam -
kvæmt áætlun átti þá að fara í Lakagíga en í raun mun hafa verið
farið í Veiðivötn og loks var þjálfað á Reykjanesskaganum. Dagblöð -
in gerðu Öskjuferðinni ítarleg skil en sögðu nánast ekkert frá síðari
hluta ferðarinnar.
Meginviðfangsefni geimfaranna var að lýsa hrauninu. Þeir voru
sendir inn að Öskju og þar áttu þeir að láta eins og þeir hefðu lent á
tunglinu. Skipt var í hópa til að gera sjálfstæðar æfingar. Geimfar -
arnir voru útbúnir með loftmyndir og kort auk skriffæra, segul-
bandstækja og annars nauðsynlegs búnaðar. Æfð var sýnataka, ald-
ur bergsins greindur en lýsingar geimfaranna á því sem þeir töldu
að hefði gerst á svæðinu voru teknar upp á segulband. Í kjölfarið var
afrakstur vettvangsrannsóknarinnar ræddur í eins konar málstofu.
Þessi kennsluaðferð var notuð til að væntanlegir tunglfarar gætu
lýst sem nákvæmlegast því sem þeir fyndu á tunglinu; ekki mætti
gefa sér of mikið um hvað gæti fundist þar því að þannig gæti
eitthvað mikilvægt farið fram hjá þeim. Þetta ferðalag var heilmik-
ill sprettur, enda sagði tunglfarinn edward Cernan frá því í viðtali
við Morgunblaðið að það hefði verið helsti annmarkinn hversu langt
þurfti að aka til að komast í Öskju. Þannig fór aðeins einn fimmti
hluti tímans í æfingarnar.18
Í júlí 1967 komu mun fleiri geimfarar og vísindamenn ásamt
föru neyti til landsins. Þótt meirihluti hópsins væri orrustu- og til-
raunaflugmenn komu í þetta skipti líka svokallaðir vísindageimfar-
ar, þ.e. jarðfræðimenntaðir einstaklingar sem gáfu kost á sér í tungl -
ingólfur ásgeir jóhannesson152
17 Á þessum tíma var engin aðstaða við Drekagil. Fyrsti skáli Ferðafélags
Akureyrar við Drekagil var reistur á árunum 1968–1969. Sjá Vef. http://www.
ffa.is/is/page/skalar_ferdafelags_akureyrar, skoðað 1.2.2010.
18 Morgunblaðið 15. júlí 1965, bls. 11.
Saga vor 2010 — NOTA (9.5.)_Saga haust 2004 - NOTA 11.5.2010 12:53 Page 152