Saga - 2010, Page 169

Við þessu er eftirfarandi að segja:
Með klofningi Sósíaldemókrata vex hættan á því að Fram -
sóknar flokkurinn myndi samsteypustjórn með flokki aftur-
haldsins, Sjálfstæðisflokknum. Formaður Framsóknar flokks ins
hefur lengi unnið að því. Innan Sjálfstæðisflokksins er sterkur
fasistavængur.
ef vinstrimenn sameinast flokki okkar nú þegar, mun það
án nokkurs vafa hindra mjög frekari þróun sameiningar- og
samfylkingarstefnunnar, þar sem slík sameining mun leiða til
mikilla flokkadrátta.
eins og sjá má af stefnuskrárdrögunum gera félagar okkar
meiri tilslakanir á stefnu sinni en mögulegt er að við hefðum
getað fallist á nema um væri að ræða heildarsameiningu
komm únistaflokksins og Sósíaldemókrata.
Þessi upptalning verður ekki skilin nema á einn veg: Aðgerðir
Íslendinganna eru í ósamræmi við það sem samkvæmt skilningi
Florins (og kominterns) er rétt stefna. Í stað þess að vinna gegn
stjórn Framsóknarflokks og Sjálfstæðisflokks stuðla þeir að henni. Í
stað þess að stuðla að samfylkingu vinna þeir gegn henni og — það
sem kannski skiptir mestu — þeir gera meiri tilslakanir á stefnu
flokksins en komintern hefur getað samþykkt fram að þessu, nema
í mesta lagi ef það markmið næðist að sameina kommún ista -
flokkinn og Alþýðuflokkinn í heild sinni. Öll atriðin sem Florin
nefnir hér höfðu komið til tals á fundum Íslendinganna með
komin tern forystunni í Moskvu, sem ég segi frá í upphaflegri grein
minni.
Það leiðir af þessum ábendingum að komintern þarf að bregðast
hratt við þeirri stöðu sem komin er upp á Íslandi. Niðurlag minnis -
blaðsins hljóðar svona:
Ég [Florin] bið þig að lesa þetta efni. Við verðum svo að ákveða
hvað eigi að gerast. Hvaða möguleikar eru:
1. ef við sendum strax löglegt skeyti gætum við gripið ritstjóra
málgagnsins í Bergen áður en hann leggur úr höfn þaðan.
Skipið fer fyrsta september [1938].
2. ef einhver kemur frá Íslandi verður hann í fyrsta lagi kom-
inn þangað aftur í lok september. Það myndi einnig þýða að
boðið verði að senda með opnu símskeyti e.t.v frá Stokk -
hólmi.
3. eða við létum duga að skrifa þeim bréf. Þá þyrfti að ræða
um hvernig koma ætti því á áfangastað.
nokkur orð um ályktanir … 169
Saga vor 2010 — NOTA (9.5.)_Saga haust 2004 - NOTA 11.5.2010 12:53 Page 169