Breiðfirðingur - 01.05.2018, Page 7

BREIÐFIRÐINGUR 7
Frá ritstjóra
Söfnum liði
– fjölgum áskrif-
end um og aukum
auglýsingatekjur
Breiðfirðingur er tímarit. Það vita allir. Þetta er 66. árgangur. Ritið hefur í minni ritstjórn verið 150–200 blaðsíður hvert hefti, sumir segja bók. Ritið
er fjármagnað a) með áskrifendatekjum og b) með auglýsingum. Auglýsingarnar
eru eiginlega frekar styrkur en auglýsingar. Þar munar um alla. Þar hafa mikilvæg
landsfyrirtæki komið við sögu. Að þessu sinni verða nefnd tvö fyrirtæki, Mjólkur­
samsalan og Bílabúð Benna. Mjólkursamsalan vegna þess að forráðamenn hennar
hafa áhug á því að tengja Dalina við ímynd sína. Allir þekkja nú orðið Dala osta.
Ætlunin er að ganga enn lengra í því að tengja Mjólkursamsöluna við Íslands­
söguna á næstu árum. Af þeim ástæðum hefur Mjólkursamsalan styrkt fornminja­
skráningu á Staðarhóli í Saurbæ og þar hefur líka komið við sögu Menningar­
sjóður Kaupfélags Skagfirðinga. Breiðfirðingur kann þessum aðilum sérstakar
þakkir. Stuðningur Kaupfélags Skagfirðinga hefur reyndar birst á undanförnum
árum í alls konar auglýsingum frá fyrirtækjum sem tengjast kaupfélaginu. Fyrir
það erum við líka þakklát. Bílabúð Benna tengist Breiðafirði ekki síst þannig að
Benedikt Eyjólfsson og fjölskylda hans hafa sitt annað aðalaðsetur á höfðingja­
býlinu Búðardal á Skarðsströnd; þar sat forðum til dæmis Magnús Ketilsson.
Benedikt er því eins konar eftirmaður þessa mikla jarðræktarfrumkvöðuls.
Það eru fleiri aðilar sem koma við sögu með auglýsingum og kveðjum í ritinu
að þessu sinni og er þeim hér með öllum þakkað sérstaklega. Hér nefni ég líka
sveitarfélögin sem öll átta styrkja Breiðfirðing með kveðjum.
Ég tel reyndar að það ætti að vera unnt að ná inn meiri tekjum en okkur hefur
tekist til þessa. Til dæmis gæti það gerst með því að fyrirtæki við Breiðafjörð eða
í eigu Breiðfirðinga í þéttbýlinu birtu kveðjur í ritinu rétt eins og sveitarfélögin