Breiðfirðingur - 01.05.2018, Qupperneq 49

BREIÐFIRÐINGUR 49
Sigrún Inga Garðarsdóttir og Andrea S. Harðardóttir. 2006. Menningarminjar í Saur­
bæjarhreppi. Svæðisskráning (FS­345­0641). Reykjavík, Fornleifastofnun Íslands.
Ö­Staðarhóll: Örnefnalýsing Staðarhóls. Ólafur Skagfjörð skráði. Örnefnasafn Stofnun­
ar Árna Magnússonar í íslenskum fræðum.
Handrit á Stofnun Árna Magnússonar
AM 334 fol.
AM 604 4to
Birna Lárusdóttir  er með BA­gráðu í íslensku og MA­gráðu í
fornleifafræði frá Háskóla Íslands. Hún hefur starfað hjá Forn­
leifastofnun Íslands síðan 1999. Helsta áhugamál hennar er
menningarlandslag og hefur hún sinnt margvíslegum rannsók­
num sem því tengjast, m.a. með fornleifaskráningu og þátttöku
í verkefnum sem varða umhverfi og skipulag. Birna er ritstjóri
og aðalhöfundur bókarinnar Mannvist – sýnisbók íslenskra
fornleifa (2011) og ritstýrir Árbók Hins íslenska fornleifafélags.

Elín Ósk Hreiðarsdóttir er með BA­gráðu í mannfræði og MA­
gráðu í fornleifafræði frá Háskóla Íslands. Hún hefur starfað á
Fornleifastofnun Íslands frá 1996 og er deildarstjóri skráningar­
deildar. Elín hefur fengist við fjölbreyttar rannsóknir á síðustu
áratugum en áhugasvið hennar spannar bæði menningarlandslag/
fornleifaskráningu og íslenskar perlur frá víkingaöld og síðar. 

Guðrún Alda Gísladóttir er með B.Ed gráðu frá Kenn­
ara há skóla Íslands og MA­gráðu í fornleifafræði frá Há ­
skóla Íslands. Hún hefur starfað hjá Fornleifa stofnun Íslands
frá 2001 við fjölbreytt störf, eink um fornleifauppgröft og
forn griparannsóknir. Hún hefur að auki unnið hlutastarf
við Byggðasafnið í Skógum undanfarin ár og verið í stjórn
Fornleifafélags Barðstrendinga og Dalamanna frá upphafi.

Emily Lethbridge er með PhD­gráðu í íslenskum miðaldafræðum
frá Cambridgeháskóla. Hún er rannsóknarlektor við Nafn­
fræðisvið Stofnunar Árna Magnússonar í íslenskum fræðum.
Rannsóknir  hennar snúast  m.a. um landslag og örnefni í forn­
sögum og hlutverk þeirra í varðveislu og viðtöku sagnanna.