Breiðfirðingur - 01.05.2018, Qupperneq 87

BREIÐFIRÐINGUR 87
fiskinn, það var erfiðasta verkið, verra en að setja skipið, þótti vont. Fiskurinn var
borinn á bakinu. Það var sterk ól með langan titt á öðrum endanum. Það voru
látnir fiskar á þessa ól eftir burðarmagni mannsins.
Mér féll að sönnu aldrei vel við sjóróðra, en eg var ekkert sjóveikur og þoldi
vel vinnuna, því þó erfitt væri að róa með feiknalangri ár, þá voru samt nógar
hvíldir á milli.
Eg leggst í taugaveiki
Svona gengur þetta þangað til seint á þorra, þá bilaði heilsan. Eg leggst í rúmið
Tálknafjörður
Tálknafjörður er einn af Suðurfjörðum Vestfjarða. Við fjörðinn stend ur
samnefnt þorp þar sem 204 íbúar bjuggu þann 1. janúar 2017. Fjörðurinn
er kenndur við Þorbjörn tálkna úr Suðureyjum við Skotland, sem fyrstur
manna nam þar land. Í atkvæðagreiðslu um sameiningu sveitarfélaga á
Vestfjörðum sunnanverðum kaus Tálknafjörður að vera áfram sjálfstætt
sveitarfélag. Þorpið Tálknafjörður stendur í landi Tungu, það byggðist í
kringum bryggju og hafnaraðstöðu sem byrjað var að reisa um 1945 og
var viðurkennt sem kauptún árið 1967. Í Tálknafirði er matvöruverslun,
tvö vélaverkstæði og bensínsala auk Veitingahússins Hópsins sem dreg-
ur nafn sitt af innri hluta fjarðarins. Sundlaugin og íþróttahúsið standa í
landi Eyrarhúsa á ofanverðum Sveinseyraroddanum ásamt skólahúsinu
sem vígt var 1967 og stækkað fyrir nokkrum árum. Sundlaugin sem var
upphaflega byggð upp úr 1930 og stækkuð 1987, er 25 m löng með
tveimur heitum pottum og vel hirtu umhverfi.Við hana er mjög gott og
vel búið tjaldstæði og í íþróttahúsinu er góð aðstaða fyrir hvers konar
fundarhöld auk íþróttaaðstöðu. Fyrir ofan tjaldstæðið er Guðmundar-
lundur, skógarreitur sem byrjað var að gróðursetja í fyrir 1940 af börn-
um í Tálknafirði, þar eru margar plöntutegundir og sumar sjaldgæfar á
Vestfjörðum eins og til dæmis bláklukkan sem vex alla jafna ekki villt á
Vestfjörðum. Skógaráhugamenn í Tálknafirði hafa haldið gróðursetning-
ar starfi áfram og nú nær skógræktin upp undir Bæjarfjall fyrir ofan tjald-
stæðið og upp að Hólsá sem rennur framhjá þorpinu. Frá tjaldstæðinu og
upp í þorp liggur göngustígur sem kallaður er Brynjólfsbraut, til heiðurs
Brynjólfi Gíslasyni sem var sveitarstjóri í Tálknafjarðarhrepp í mörg ár og
mikill áhugamaður um skógrækt.