Breiðfirðingur - 01.05.2018, Síða 102

BREIÐFIRÐINGUR102
Talið er að hún hafi borist til landsins í október 1918, reyndar sama daginn og
skrifað var undir fullveldisssamninginn. Það var því sárveik þjóð sem fagnaði full­
veldinu 1. desember 1918. Þjóð? Það er spurning hvort margir hugsuðu um full­
veldið 1. desember 1918 aðrir en þeir sem voru á Reykjavíkursvæðinu. Hvergi
hef ég séð mynd af fullveldissamkomum úti á landi. Hefur einhver lesenda minna
séð svoleiðis myndir?
Til Vesturheims
Fréttir af frostavetrinum bárust til Vestur­Íslendinganna. Þeir hafa sjálfsagt allir
verið dauðfegnir að hafa flutt til Vesturheims frá Íslandi þegar þeir lásu þetta í
Lögbergi í júní 1918:
„Úr Dalasýslu er oss tjáð, að harðindalegt sé þar enn þá. Skepnum hafi verið
gefið samfleytt að heita má, síðan um veturnætur í haust er leið. Í frosthörkunum
í vetur kváðu á stöku stað grunnar undir húsum hafa sprungið og nokkrar frost­
sprungur komið í jörðu. Allur innri hluti Hvammsfjarðar, út undir Staðarfell,
er ein íshella, og má enn ríða hana þvert og endilangt. Er búist við, jafnvel þó
tíð verði hagstæð, að ís þennan leysi ekki af firðinum fyr en undir fardaga. Verði
vorið mjög hart er tvísýnt um heybirgðir manna.“
Kaldasti mánuðurinn á síðustu öld og þessari
Vísindavefur háskólans lýsir þessum voðavetri, frostavetrinum mikla, svona: