Breiðfirðingur - 01.05.2018, Page 120

BREIÐFIRÐINGUR120
Gröf. Tæpum 500 m norðaustan við Miklaholt er ölkelda sem kemur upp í
lægð við hallamýri. Þar bólar upp á 5x5 m og rauðar útfellingar eru algengar auk
þess finnast kalkútfellingar. Hiti mældist 8°C í ágúst 1975.
Liðlega 1 km norðaustan Miklaholts, sunnan undir Grafarhólum er kalk­
hrúður. Rennsli er ekkert og hrúðrið er uppbrotið og virðist gamalt. Stærð þess
er 5x10 m.
Lýsuhóll. Lýsuhóll er þekktasti jarðhitastaðurinn á Snæfellsnesi. Þar eru tvö
aðgreind jarðhitasvæði, efra og neðra svæðið.
5 a) Neðra svæðið er í kringum hól vestan við Félagsheimilið, vestan Lýsu og
er oftast nefnd einu nafni Lýsuhólslaug. Mest er uppstreymið sunnan til í þessum
hól og spretta þar fram margar kolsýruauðugar volgrur. Áður en borað var við
laugina var hiti hæstur um 32–33°C og rennsli um 0,3–0,5 l/s (Rannsóknarráð
ríkisins, 1944, og Sonder, 1941). Eldri heimildir geta þess að hiti hafi mælst um
35°C í upphafi átjándu aldra. Hóllinn er úr samlímdu völu­ og hnullungabergi
sem kalkútfellingar úr vatninu hafa sest í. Kalkhrúðursskellur eru víðar. Til dæmis
er ein skella skammt austan Lýsu, 30x30 m og var nokkurt rennsli þar áður en
borað var við Lýsuhólslaugina (munnl. uppl. Þráins Bjarnasonar í Hlíðaholti).
Einnig er nokkuð stór skella suður af Lýsuhólslauginni og önnur í norðurenda
túnsins suðvestur af lauginni.
Lýsuhólslaug. Ljósmynd Haukur Jóhannesson.