Breiðfirðingur - 01.05.2018, Side 126

BREIÐFIRÐINGUR126
Stykkishólmur
Stykkishólmur er bær og sveitarfélag við Breiðafjörð á norðanverðu
Snæ fellsnesi. Stykkishólmur er stærsti þéttbýliskjarninn á Snæfellsne-
si. Bæjarbúar í Stykkishólmi eru í daglegu tali nefndir Hólmarar. Íbúar
eru 1180 talsins. Sjávarútvegur hefur verið einn helsti atvinnuveg urinn
í Stykkishólmi en ferðaþjónusta er mjög vaxandi. Höfn er mjög góð frá
náttúrunn ar hendi í Stykkishólmi. Frá Stykkishólmi gengur Breiðafjarðar-
ferjan Bald ur yfir Breiðafjörðinn að Brjánslæk á sunnanverðum Vest-
fjörðum.
Árni Thorlacius reisti í Stykkishólmi 1828, stórt timburhús, Norska
húsið, sem stendur þar enn og þykir með merkilegri gömlum húsum
á staðnum. Nafngiftina hlaut þetta fyrsta tvílyfta og um tíma stærsta
íbúðarhús sem reist var hérlendis, sökum þess að allur efniviður í það
var sóttur tilhöggvinn til Noregs. Húsið var gert upp og fært í upprunalegt
horf á árunum 1972-1987 og er þar nú Byggðasafn Snæfellinga og
Hnappdæla. Skóli var reistur í Stykkishólmi árið 1896, iðnskóli 1952 og
tónlistarskóli stofnaður þar 1959. Sýslumaður hef ur setið í Stykkishólmi
frá ofanverðri 18. öld. Árið 1936 tók þar til starfa sjúkrahús sem reist var
og rekið af reglu heilags Fransiskusar sem einnig heldur þar klaustur
og rekur barnaheimili. Amtsbókasafn Vesturamtsins var stofnað í Stykk-
ishólmi árið 1847 og nýtt bókasafn 1960. Þar hefur verið veðurathugu-
narstöð frá árinu 1845 og er sú elsta á landinu.
BREIÐFIRÐINGUR
Gerist áskrifendur.
Sendið upplýsingar um nafn og
heimilisfang á bf@bf.is