Tímarit Máls og menningar - 01.02.2010, Page 36

36 TMM 2010 · 1
Árni Finnsson
Loftslagsráðstefna Sameinuðu
þjóðanna í Kaupmannahöfn
– deilt um árangur
Það kvað við nýjan tón hjá íslenskum ráðamanni í síðustu áramótaræðu
Jóhönnu Sigurðardóttur forsætisráðherra. Þar lét hún ekki nægja að
stæra sig af gnótt „hreinnar orku“ og boða að nýting hennar verði
megin framlag Íslands í baráttunni við loftslagsbreytingar.1 Hún sagði:
Það á einnig að vera markmið okkar og framlag til loftslagsmála í heiminum
að skipta út kolefnissamböndum í orkubúskap þjóðarinnar og reka tól okkar og
tæki á innlendri, endurnýjanlegri orku.
Hér boðar ráðherrann með öðrum orðum að hætt verði að brenna olíu
hér á landi. Jóhanna Sigurðardóttir fór ekki til Kaupmannahafnar til að
sitja veislu Margrétar Þórhildar – en hún nam þungann í umræðunni.2
Orð hennar voru eindreginn stuðningur við þá aðgerðaáætlun sem
unnið er að á vegum umhverfisráðherra og ljúka skal fyrir 1. apríl n.k.3
Áætlunin mun væntanlega kveða á um hvernig Ísland hyggst draga úr
útstreymi um 15% fyrir 20204 miðað við 1990 og hvernig ná skuli mark­
miðum Íslands „um samdrátt í losun gróðurhúslofttegunda um 50–75%
til 2050, með tímasettum og tölulegum markmiðum, eigi síðar en vorið
2010“.5 Þau bjartsýnustu vonast til að áætlunin kveði á um að Ísland
verði „kolefnishlutlaust“, eins og það heitir í umræðunni, fyrir 2030 –
líkt og norsk stjórnvöld stefna að.
Hvað sem líður hátíðarræðum ráðamanna er ljóst að mótun loftslags­
stefnu stjórnvalda ásamt tilheyrandi aðgerðaáætlun hefur tekið lengri
tíma en efni standa til. Þannig upplýsir Umhverfisstofnun Evrópu að
losun gróðurhúsalofttegunda á Íslandi hafi aukist um 18,2% á árabilinu