Ófeigur - 15.08.1950, Side 41

ÖFEIGUR
41
flugvélar Rússa. En það yrði erfið sókn, landtaka í
gegnum brimgarðinn, sem venjulega lykur um landið.
Síðan barátta um hvert hús Reykvíkinga. Sú sókn yrði
óvenjulega erfið, því að hin járnbentu steinsteypuhús
eru rammgerðari heldur en flestar byggingar í nálæg-
um löndum. Yrðu kostirnir hér að ágalla. Til slíkr-
ar sóknir nægir ekkert nema hinar sterkustu víg-
vélar. Athugulir menn geta ímyndað sér hvað eftir
yrði af þjóðinni og hennar handaverkum á fslandi þeg-
ar Engilsaxar hefðu barizt við dauðahersveitir Rússa
um hvert hús þar sem íslendingar búa þéttast. íslend-
ingar hafa misskilið algerlega líkurnar fyrir sigursælli
rússneskri innrás. Þeir hafa ekki áttað sig á, hve ó-
venju mikla hernaðarþýðingu Island hefur fyrir Rússa
í sókn þeirra gegn Ameríku. Þeir hafa ekki skilið, hve
auðvelt er fyrir Rússa að hertaka fsland, ef það er
varnarlaust, hvort sem hentar þeim betur, að koma
loftleiðis eða með skipum. Þá grunar fæsta Islend-
inga, hve gott vígi ísland er, fyrir her sem styðst við
flugflota og kafbáta. Ekki má heldur gleyma því, að
harðhent setulið getur þolað hér alllangt hafnbann
með því að þrælka landsfólkið og drepa niður bústofn
landsmanna, en fiska við ströndina án þess að hætta
sér út á hafið, frá landi. Nazistar létu norska fiski-
menn afla fyrir þýzka herinn, meðan þeir héldu Nor-
egi í heljargreipum. Ef leiðtogar íslenzku flokkanna
hefðu skilið einföldustu atriði þessa máls, þá mundu þeir
fyrst hafa beðið Ameríku um Monrovernd um leið og
lýðveldið var stofnsett, 1944. Ef það var vanrækt,
mundu þeir hafa tekið boði Trumans 1945, en breytt
skilyrðunum og tryggt sér fjárhagslegt sjálfstæði. En
að því tækifæri slepptu, bar framsýnum og þjóðholl-
um mönnum að tryggja landinu vernd, um leið og það
gekk í Atlantshafsbandalagið. Ekkert af þessu var
gert, en sú skuld hvílir að fullu á seinheppilegum leið-
togum fremur en borgurum landsins, eins og síðar verða
leidd rök að.
XIV. Ef ísland fylgir frjálsu þjóðunum.
Næst liggur að athuga hina hlið málsins, hvaða hætta
landinu stendur af Rússum í stríði um Atlantshafið,
ef Island hefur viðunandi hervernd. Þá kemur fram